تحميل رواية زوجتي من الريف كاملة pdf - رنا ياسر

تحميل رواية زوجتي من الريف كاملة pdf - رنا ياسر
    رواية زوجتي من الريف واحدة من الروايات العراقية المُميزة التي نُشرت مؤخرًا 
    الرواية نُشرت على مدونة عربية تُسمى قصص خليجية 
    وبعدها نُقلت على أكثر من مُنتدى وموقع أخر
    وبالطبع نقلتها صفحات الفيس بوك 
    وأصبحت ضمن أكثر الروايات قراءة في الأونة الأخيرة 
    على الرغم من عدم شهرة كاتبها، وعلى الرغم من إن لا أحد يعرف كاتبها من الأساس
    على كُل حال، الرواية الآن متوفره على موقعنا
    سواء للتحميل أو للقراءة
    لتحميل الرواية : اضغط هنا
    رواية زوجتي من الريف - رواية زوجتي الريفية - رواية زوجتي من الريف كاملة - رواية زوجتي من الريف pdf - رواية زوجتي الريفية pdf
    تحميل رواية زوجتي من الريف كاملة pdf 




    قراءة رواية زوجتي من الريف  

    زوجتي الريفية👇
    أجبرت على الزواج بها .. ولا أعرف كيف سيكون مصيري ومصيرها .. لأنني اكرهها ولااحبها .. ولم اخطط لمستقبلي معها .. بيئتي غير بيئتها وثقافتي غير ثقافتها .. فلا يمكن ان يبنى عشقا من العدم... .
    اسمي علي مدرس لغه انگليزيه تعينت بعد ماتخرجت مباشرة لان طلعت الاول ع دفعتي .. بس تعيينت بالارياف ..
    حالتنا الماديه زينه احنا اثنين ولد واثنين اخوات حيدر اكبر مني متزوج وعندي اخت بالاعداديه اسمها رسل واختي الثانيه بالمتوسطه اسمها رفل ..
    امي ربة بيت .. بيتنا بالكراده ابويه عنده محلات مال ملابس يشتغل هو واخويه بيهن .. تعينت خارج بغداد بقريه .. فكان لازم اخذ سيارة والدي حتى اگدر اروح وارجع بيها .. #شمس
    وكنت كل يوم اروح وارجع .. ويوم من الايام وبطريق الرجعه للبيت اجه قطيع مال اغنام گبالي فردت اتجاوزهم دورت السياره واذا بيه ادعم بنيه .. عبالي دعمت خروف نزلت اتباوع . ياربي هاي شسويت بالحظه مااحس الا الدنيا انگلبت القريه كلها اجت حتى اذا عندي نيه انهزم ماكو .. هذا الي يعيط عليه وهذا الي يگولي ماتشوف اعمه .. والاظبط من هذا اجه ابوها واخوها للبنيه لزموني ويجروني بيه مثل الخروف .. وكتفوني بالحبل حتى ماانهزم واني اريد احجي او ابرر ماكو ياالهي شنو هذي المصيبه الي وگعت بيهه شلون انهزم وشيخلصني منهم .. گلتلهم زين خلي نشوف البنيه خاف بيها شي ناخذهه للمستشفى اقتنعوا هدوني صعدت للسياره وخلو البنيه بالورى واجت امها وابوها واخوها هم راحو ..
    اني اصلا ماانتبهت ع البنيه ولا شفتهه عبالي طفله .. وصلنا المركز صحي قريب ع القريه .. نزلناهه واخوها لازمني ويجر بيه ..
    يمعود .. اديه وخر ملابسي شگگتها مو ..
    اخوها .. ههههه قابل اني زعطوط تضحك عليه حتى تنزهم لا ماكو مااهدك لمن يطلع ابوي ونشوف شيكول .
    علي .. اهووو. شلون بلوه هذا
    گلت ماكو غير اتصل بأهلي يجون ..
    اتصلت وخبرتهم وگلتلهم ع الي صار ..
    لشويه اجه ابويه وعمامي واخويه .. الولد من شافهم اجو اشو گام يعيط ..
    بويه بويه الحگ .. يردون ياخذوه مني ..
    ابويه .. عمي منو ياخذه منك .. الزمه حيل لا يطير من ايدك .. احنه اجينا نشوف الوضعيه شنو واختك شلونهه ..
    الولد .. شلونها غير ابنك كسر عظامها ووجهه كله دم ..
    ابويه .. لك علي ويامن وگعتنا متگلي وشلون هيج تدعم بنيه متشوف انت ..
    علي .. بويه والله ماادري عبالي خروف لان اجه قطيع مال خرفان ودرت للجهه الثانيه لا ادعمهم لو اسوي حادث اني ادري هاي منين طلعتلي ..
    اشو هذا اخوها .. گام يعيط ولك لتگول خروف اسمها فرح .. وتدري ليش ابوي سماهه فرح لان من اجت للدنيا ابوي استلم ورث بيت وبستان .. ومن ذاك اليوم ابوي مفضلها علينا ويگول هاي عزيزتي شيخلصك منه اليوم .
    ابويه .. ههههه هاك استلم وگعتنا وي هذا الخبل وابوه بعد شيخلصنا ..
    شويه وطلع ابوها اجه يهدد ويتوعد .. اذا صار شي على فرحه شيخلصك مني . الدكتور يگول رجليها مكسوره وخيطو راسها .. امشينا للمركز مااهدك اليوم وجايب عصابه وجاي لا اني خابرت القريه كلها جايه ..
    عمي رافد الكبير .. لك ابو حيدر استلم طلع الابو اضرب من الولد😂
    صدوگ شويه واجو اهله وناس من القريه .. وخبصوا المركز .. ويهددون تالي طلع الدكتور گال عندها كسر برجلها ورضوض بجسمها وجرح براسهه وخيطناه وان شاء الله ماكو شي ..
    علي .. ارتاحيت حيل همزين ماماتت وابتليت بيها ..
    ابويه گللهم .. عمي شترون اني حاظر مصاريف المستشفى وعلاجها الى ان تطيب اني حاظر .. #شمس
    اشو ابوها وعمامهه .. هدوا علينا عبالكم تخلص هيج تحلمون .. هاي فرحه مو اي بنيه
    علي .. ويعني شنو فرحه قابل حوريه
    ابوها .. انت اخر واحد يحجي اذا مااخليك بالسجون واريد اشوف منو يطلعك .. #شمس
    حيدر يضحك عليه .. گال ولك منين جبتلنا هاي المصيبه شلون نحلها ..
    بقينا للعصر هم يجرون منا وعمامي يجرون منا بالحجي .. اخر شي گال ابوها اني اروح اشتكي والقانون ياخذ مجراه .. وصدوگ راح واشتكى عليه المركز قريب مااحس الا اجو اخذوني ..
    ابويه من شاف الوضع جدي صار گام يقنع بيهم ويسايرهم ..
    ابوها .. رفض وگال تردون ابنكم يطلع ونتازل عنه تجيب عمامك وتجون البيتي ونتفاوض ..
    اوووف ياربي اني عندي دوام ونفسي عزيزه اذا مو بفراشي مااعرف انام .. وهسا اليوم حبقى هنا ..
    للصبح اني منايم ..
    تالي الصبح اجه ابويه وعمي طلعوني بكفاله ..
    وگالوا لازم اليوم العصر نروح ونشوف حتى اذا يردون فصل ننطيهم ونخلص ..
    علي .. اي يابه بس خلصني للصبح اني منايم ..
    رجعنا للبيت .
    تلگتني امي .. گلتلي محضرتلك الحمام .. دخلت سبحت وارتاحيت عبالك سنه مسابح ..
    تالي نزلت اتريگ حتى انام .. ميت تعب تلگني رسل ورفل يتمضحكن .. ويگللي شلون صارت فرحه .. 😂
    علي .. امشن منا لااطلع ضيم فرحه بيجن 👊 هو اني حتى شكلها ماشفته عبالي خروف اندعم ..
    اهلي 😂😂😂😂 لگولهم سالفه يضحكون عليها .. شربت الجاي وصعدت الغرفتي ميت تعب .. شمس
    للعصر گعدتني امي .. ماما علي گوم يلا ابوك وعمامك منتضرين مو عساس ترحون البيت البنيه ..
    علي .. اووووف يمه ميصير مااروح
    امي .. يلا ياعيني لتخلي ابوك يعيط اگضوها اليوم وخلصوا .. احسن مما تصير طويله ومحاكم ..
    علي .. هم صدوگ خلي اگوم خمس دقايق وانزل
    بدلت واتأنقت وخليت جل الشعري وصففته عبالك رايح اخطب مو افصل .. 😂😂
    يتبع...
    البارت الثاني
    #زوجتي_الريفية
    طلعنا ثلاث سيارت عمامي وخوالي واحنا .. مااخذنا ناس هوايه .. ابويه من النوع المسالم مايوم تعارك او احد اشتكى عليه .. وحتى اخويه واني بس الضروف خلتنا نوگع بهيج شغله وكولشي بقدر الله ..
    وصلنا للقريه وسألنا ع بستان محسن الفلاح .. لان هو كان فلاح عند الناس ومن صار بستانه وحده هم مجاب فلاح هو وابنه وزوجته وبناته سووها جنه ..
    المهم وصلنا البستان محسن الفلاح عبالك جنه صدوگ شنو الي بنفسك تلگيه بيها .. وبنصهه باني بيت هم حلو يعني مبين حالته زينه ومتمكن .. #
    گعدنا وجابوا جاي .. واخوها كل ساعه وگام من مكانه عليه .. وكولشي مافهمت منه بس فرحه وعمامها يصيحون فرحه وابوها يصيح فرحه . شنو السالفه مافهمنا شنو هاي فرحه الي خابصينا بيها هسا اني لو شايفهه الهاي فرحه كان ارتاحيت هسا ..
    عمي گللهم اشكد تردون اني حاظر بس خلونا نسد الموضوع ومانكبره ..
    اشو ابوها طفر .. ومنو گلكم اني اريد فلوس فرحه هي اصلا كنز شايفين هذا البستان والعز الي اني بي كوله من فرحه .. لهذا ماكو فلوس تگدر تعوض كسرها وجرحها ..
    ابويه .. يابه شتريد گول وفضها .. وترى علي ماقاصدها وهو هم مثل ابنكم ويدرس بمدرستكم يعني مو غريب. .
    ابوها .. هاااا واگول وين شايفه اني يعني بعد السالفه اكبر صارت ..
    انسان مثله مثقف ومدرس ويسوي هيج هاي جبيره .. لو جاهل جان عذرناه ..
    عمي .. هاي عود ردت تكحلها عميتها ابو حيدر ..
    ابوي .. بقى صافن مايعرف شيحجي يجبهم منا يطفرون منا ..
    يالساعتين گاعدين وماكو شي ..
    تالي طگت روحي گتله عمي انت شرايد فضها وگول ..
    ابوها .. احنه فرحه انكسرت رجلها وحطولها بلاتين يعني بعد محد ياخذها من القريه لان هم ياخذون المره تفلح وياهم وتساعدهم خو ماتصفط وتگعد ..
    وبما انه ابنكم سوا بتنا معيوبه .. يتزوجها هو….
    عمامي وخوالي وابويه وحيدر بقوا هيج 😮😮😮😮
    بس اني ماسكتت طفرت وگتله لاعمي خلوني بالسجن ارحم .. #
    عمي گعدني گلي اسكت ولاتحجي ..
    وگللهم .. عمي قابل هي خروف وانعاب ومحد يشتريه .. هي بنيه ومره مكانهه ببيتها ومطبخها الا تطلع تفلح بالزرع .. بعدها صغيره حرام تزوجها بهيج عمر .
    .ابوها .. والله احنا هيج عدنا واخواتها اصغر منها وتزوجوا مو هي الي عبرة 16 وكنت مخليها يمي لان تجيبلي الخير حتى الدنيا خطبتها مني وبمهر غالي ومارضيت .. هسا بعد ماسمعوا بيها اندعمت منو ياخذها ..
    هذا الي عندي عمي اذا ماتاخذوها تصير كاتل ومكتول نصاوب ابنكم ونعيبه مثل ماعاب بنتنا .. #
    ابوي طگت روحها وگام يحجي عليهم ورزلهم وهم هدوا علينا وسحبوا اقسام.. وعمي رافد. بالگوه هدأالوضع ..
    اخر شي وگللهم خلص احنا موافقين بس انطونه مهله نرتب امورنا ونرجعلكم خبر .
    ابوها .. خوش واحنا هم لمن البنيه تطيب وتوكف ع رجلها وتجون تاخذوها .. بس ها مااتنازل الا لمن تجيبون سيد. يعقد يلا .. #
    اني عصبت ع عمي وگتله والله مااتزوجها شنو تجبروني اني عفت بنات الجامعه كولهه تالي اتزوج فرحه ..
    وگمت اضحك ع روحي 😂😂😂 اصوم اصوم وافطر ع بصله 😂😂😂
    حيدر طلعني بالگوه بره وطاگ من الضحك .. عليه ويگلي هههه اني سامع ياخذون فصليه بس ابد ماسامع ياخذون ولد فصلي 😂😂😂
    واني عصبت عليه ..
    علي .. اي طبعا تضحك عليه لعد انت شنو عليك اتزوجت الي تحبها الا اني راح يورطوني بهاي الطفله وتلگيها مو حلوه ..
    لاتذكرني حيدر راح اطگ واموت ورربي ..
    حيدر .. 😂😂
    لشويه طلع ابويه وعمامي وخوالي ..
    گلتلهم .. بشروا قنعتوهم ..
    عمي رافد .. امشو للبيت ونتفاهم ..
    ركبنا السيارات وطلعنا وحيدر الطريق كوله يحشش ..
    واني معصب عليه وع حالي .. هسا اني شورطني بهذي البلوه ..
    طلعوا عمامي وخوالي .. وركبوا السيارات واني ماادري شصفوا .. ومتأمل يقنعوهم واخلص من هذي الشغله .
    وصلنا للبيت دخلوا عمامي وابويه للاستقبال .. واني اتجهت للمطبخ ميت عطش من گد ماعصبت وعيطت ..
    تلگتني امي واخواتي ..
    هايمه بشر خلصت الشغله ع شنو اتفقتوا ..
    اني .. شأبشر جيتج مكشر 😣
    حيدر اجه ورايه .. 😂😂 يمه حضري نفسج اخذوا ابنج فصليه هههااااي .
    علي .. حيدر الخاطر ربك كافي .. هي هاي الشغله بيها ضحك وسخافه🍂🚫
    متشوفني طالعه روحي ..😭
    امي .. شكو غير تفهموني ..
    علي .. يمه ابوها معند الا تتزوجها يگول صارت معيوبه ومحد ياخذها عساس هي تكسي .. #
    اخواتي 😂😂😂
    امي .. وهي بكيفه وعمامك وابوك شنو رأيهم??
    حيدر .. عمي رافد شبه موافق گللهم انفكر ونرجعلكم خبر 😂😂😂
    علي .. اي انت اضحك بعلي مااخذها .. اتزوجها انت لو ابويه اني بعدني شاب وحلو وشخصيه بنات الجامعه كلهن ركضن ورايه وماعبرتهن تالي اخذ وحده طفله وريفيه 😡
    حيدر .. 😂😂 لاعيني اني متزوج وماابدل مرتي ب 100 مره .
    امي .. لك امشي منا لا اروح اني ازفها بيدي الك .. متستحي تزوجها الابوك 😡
    ابويه سمع صوتي بالمطبخ .. صاح علييييي تعال لك مو تسويها وتنهزم تعال هنا ..البارت الثالث ..
    #زوجتي_الريفية
    #
    دخلت للاستقبال گعدت حجى عمي رافد ..
    گال اسمع بويه احنا ناس جبناهه من صغرنا لهسا مادخلنا مركز ولا سوينا مشاكل .. وهذا ابوها معيدي ومايفتهم بالكلام والي براسه يسوي .. وفلوس مايقبل ياخذ وانت شفت .. ماكو غير تعقد عليها .. #
    علي .. انتو تحجون صدگ .. مصوم نفسي عن البنات والا اشوف وحده ع مزاجي . تالي تنفرض عليه وحده حتى شكلها مشايفه ..
    ابويه .. لك علي انت تريد تموتني هاي نتيجه تسرعك كم مره اگلك انتبه وانت تسوق ..
    وثاني شي انت تداوم هناك .. اذا رفضت مايخلوك يقتلوك واني مااتحمل اعيش بقلق .. هو كم واحد عندي انتو اثنين . لاتسوي بيه هيج تالي عمري يابابا .. #شمس
    علي .. يابه .. اني من باجر راح اسوي تنسيب .. ماابقى هناك بعد الي صار ..
    ابو حيدر .. ياابني على مايطلع اسمك بالتنسيب شنو يضمن مايتعرضولك ..
    اني مااگدر انزل المستواهم وانت شفت ..
    علي .. اها انت گولتها مستواهم لعد شلون ترضاهه اني انزل المستواهم واتزوج وحده منهم مااعرفها شنو ولا طبعها ولاشكلها . مستحيل اگدر اتفاهم وياهه اعذرني يابه ..
    ابو حيدر .. احنه نطيناهم مهله اسبوع ونرجعلهم خبر .. فكر منا الذاك الوكت ..
    طلعوا عمامي .. سلمنا عليهم وراحوا دخلنا للبيت .. وتلگني رسل ورفل ..
    سووو درب لاخت الولد خلوها تلعب جوله هله هله 💃💃💃💃💃👏👏👏👏 كلللللووووووشششش
    ويهزن بالوسط وابويه وامي ميتين ضحك عليهن ..
    واجه حيدر وياهن كملها وجر مرته وياه .. سوني تصنيف .. هي هاي تاليتك علي الصغير والكبير يضحك عليك .
    نزعت الحزام وگلتلهن اذا ماتبطلن رگص .. ارگصجن بهذا
    حيدر .. ههههه انت رجال وسويها واني وابوك موجودين وشوف شيصير ..
    عصبت منهم وصعدت الغرفتي .. هي هاي تاليتك علي .. هسا لو خاطب وحده من الجامعه مو احسلك .. #شمس
    هههععع بالا شأكول الاصدقائي اذا سألوني منين مرتك .. شنو اكلهم فرحه بنت الفلاح من القريه .
    طفرت من مكاني. . لا لا من سابع المستحلات اتزوجها قابل هي جبر ..
    سبحت وبدلت وطلعت اتعشى وي احمد ومنتضر اصدقائي من الجامعه ..
    رحنا للمنصور نفتر وبعدين دخلنا للمول نتعشا ونتونس ..
    اني طلبت صاج وفنگر والولد طلبو گص ومقبلات . وبعدني اول لگمه وگال احمد .. اي علي صدوگ شصار الشغلتك انحلت ..
    اني غصيت .. منتضر الله الله هاك مي . اي متگلي شبيك غير ع كيفك .
    علي .. لا ولك بس هذا احمد مايلگه يسألني الا واني اكل ..
    احمد .. اي دگلي شسويتوا
    علي .. رحنا احنا وعمامي وخوالي وخلصناهه طلبوا فصل وراح ننطيهم ونخلص ..
    منتضر .. اي هي الناس صايره تموت ع الفلس حتى اذ مامتأذي طلب فصل .. مو دور ذوله بالقريه وماعندهم واجتهم عدله .. #شمس
    علي (بداخلي) .. ههه ياليت لو طالبين فلوس جان خلصنا
    احمد .. وشگد طلبوا
    علي .. هم غصيت اتباوعتله .. لك انت ناوي تموتني اليوم ..
    احمد .. هههههه ليش لازم ضاربين بالعالي .
    علي .. كلش ..
    منتضر . صوفر ولك لازم غسلوكم وجه وگفى😂😂
    خلصنا عشا وطلع سم عليه ع گد ماسألوا.. لازم انهي هاي الشغله اني سؤال مااتحملت وكل ساعه اغصغص اذا صارت صدوگ شلون اختل بالبيت ..
    رجعت للبيت بدلت ونمت نوم 💤 مال ميت .. بالگوه گعدت ع صوت المنبه .. وراي دوام .. بدلت وطلعت ولبست جاكيت لان الجو بارد . وقررت احل الشغله بيدي ..
    مااعتمد ع احد اروح احجي وي ابوها واتفاهم وياه ..
    رحت للتربيه بالاول قدمت طلب تنسيب ورحت للمدرسه الطريق طويل ..
    امشي ع كيفي من دخلت للقريه .. اخاف تطلعلي وحده گبالي وهم يلزگوها بيه ..
    دخلت للمدير وطلبت منه يسهلي الامر اريد اتنسب الغير مدرسه ..
    المدير .. ليش شنو السبب استاذ علي انت مدرس فاضل ونعتز بيك ومن اجيت انت للمدرسه .. الطلاب تحسن حالها ومستواها .. مستحيل افرط بيك #شمس
    علي .. ياربي هذا شلون افهمه اجيبه منا يطلعلي منا دمرني طلع المدير اضبط من محسن الفلاح ..البارت الرابع
    مر شهر واني مطايق نفسي اريد انهزم من هاي المدرسه والقريه بأي شكل .. تالي قررت ارجع اقدم ع معيد بالجامعه .. لان العميد يحبني وصديق ابويه وكان مصر انه اداوم معيد . بس اني مقبلت اريد اشرد من سوالف البنات وتالي وگعت بفرحه ..
    بيوم طلعت من غرفه المدير اجه ولد ..
    يركض وراي .. استاذ استاذ . التفتت .. ها حبيبي شرايد .. اني تعاملي وي الطلبه يختلف وكولهم يحبوني ..
    گلي اني اخو فرحه .. وابوي يگول انت راح تصير نسيبنا ..
    من گال هيج عطت بي وگلتله .. امشي منا يله وگول الابوك لو تطلع نخله براسه مااتزوج فرحه مدري صخله😂😂
    اشو هذا عاف المدرسه وطلع يركض ..
    يابه دطير .. شوكت اخلص من هاي القريه الگشره ..
    دخلت للدرس .. ودا ادرس الطلاب ومااحس الا الرمي اشتغل .. گلت للطلاب انزلوا جوه الرحلات خفت عليهم .. وطلعت ردت اشوف شكو ..
    اتباوعت هاي عمام فرحه وابوها واخوها الكبير والصغير الي رزلته ..
    يوووه ياعلي هذا الصغير شعلها للدنيا واني عبالي طفل ومايفتهم 😮
    هذا ابوها يعيط ويگلي اذا انت رجال تعال هنا
    المعلمين والمدير يتباوعولي واني مستحي .. تالي اتقدمت عليهم .. واني معصب صدوگ لازم اخلي حد للي ديصير ..
    اشو اول موصلت يمهم ركبوني بالسياره وطلعوا بيه .. ومااعرف شنو صاير ..
    وصلنا البيتهم .. گلي اتصل ع عمامك وابوك يجون هسا .. #
    اريد اعلمك منو الي تطلع نخله براسه واعلمك شلون تگول ع فرحه صخله ..
    علي ..هااااا يعني انت ضايج ع الصخله مو ع الزواج 😂
    ابوها .. لك اتأدب واتصل ع ابوك اني اتفاهم وياهم من يجون اني كلمتي وحده والي مو گدها لايگعد گبالي ويحجي ..
    علي .. طلعت موبايل اتصل .. اووووف ياربي شلون بلوه .. هاي تاليتك علي شخيصتك وجسمك الرياضي وليل ونهار بالنادي وتالي هيج يجرجروك 😡 #
    اتصلت ع ابويه وخبرته بكل الي صار .. طبعا هو عصب وگلي كم مره گوتلك لاتتهور ..
    للضهر اجو عمامي وابويه .. گعدوا وياه وسولفوا بس هو معاند ويگول لو هسا تجيبون سيد يعقد لو بوجهنا للمركز .
    يمعود عدل بدل .. ماكو معاند يگول اريد اشوف شلون تطلع نخله براسي .. والا ازوجه الصخله مو هو هيج يگول ع فرحه ..
    ابويه يحجي ويضحك .. گله اني اعتذر وانت وبنتك ع راسي والي تريده يصير بس الولد مايريدها مانگدر انجبره ..
    محسن الفلاح .. حاله حال الفصليه مو يجبروها وماتحجي خلص هسا اليسد وديت عليه يجي يعقدلهم بين مايجي انتو فكروا لو يوافق لو للمركز.
    اخذني عمي ع صفحه .. شوف علي انت جاي تشوف الرجال معيدي ومعاند ومالنا خلگ مشاكل هو مجرد عقد سيد يعني محكمه ماكو ولا تصير مرتك رسمي مجرد عقد سيد .. وافق وكلها كم شهر تفض السالفه نرجعها وتطلقها وينتهي كولشي .. شگلت علاوي ..
    علي .. عمي اني ماقدمت ع معيد حتى ماتجيني المشاكل ..وسوالف البنات التعبانه .. واجيت واتعينت مدرس گلت احسن الي تالي اتورط هاي الورطه ..
    عمي .. شنسوي ياابني كولشي مقسوم النا انشوفه .. هسا شگلت .. #
    علي .. بكيفك عمو بس ها مالي علاقه بيها ولاتتقربلي ولا اتقربلها مجرد عقد سيد وخلص ..
    عمي .. هاهي ابني نتوكل ع الله ..
    رجعنا للجماعه گاعدين .. گللهم عمي هاي توكلوا الولد وافق جيبوا السيد ..
    اشو هذا الفلاح ماصدگ .. گام يصيح جيبوا الغدا ياولد . ويفرشون السفره والمفطح وذابح طلي وذاك الاكل عبالك متأكد احنا حنوافق ..
    ابويه اتباوعلي .. والله طلع عمك كريم وصاحب مضايف ..
    عصبت بوجهه وگتله .. يابه لتگول عمي لا وعلي ابطل
    تغدينا وخلصنا وطبعا السيد الي يعقد تغدا ويانا .. و اني مااكلت ضايج حيل 😡 #
    شويه صاحوا البنيه .. مغشايه كولشي مطالع منها حتى ولاشفتها گعدنا اني وابويه والسيد وابوها وهي .. گاللها هل تقبلين ان اكون وكيلك ع المهر حاضره قرآن وغائبه حجه بيت الله الحرام .. طبعا هذا حسب طلبها هي گالوا متريد فلوس .. طبعا اني استغربت معقوله اكو بنيه هيج تفكيرها ..
    ردت عليه .. نعم انت وكيلي .. صوتها ناعم .. اتأكدت هسا هي طفله .. من صوتها ..
    عقد السيد وخلص .. گامت بوست ايد ابويه .. ودخلت لجوه .. ابويه اتباوعلي يگلي والله اني حبيتها للبنيه .. اتباوعتله 😡😡 لعد مااخذتها انت ..
    ابويه همسلي .. انجب لك لا اطيح حظك گدام نسابتك .. ضوجني بالزايد . يتعمد يسوي هيج .. همزين حيدر مموجود يمكن سوه اكثر من ابويه ..البارت الخامس…
    ماشاء الله احنا عائله .. نحب الضحك والمزح متفائلين😉
    سلموا عمامي عليه .. واني عبالك حاكمين عليه بالاعدام . 😔 واجه الفلاح يحظن بيه ويگلي .. وليدي علاوي دير بالك ع فرحه .. انطيتك كنز اني وراح تشوف الخير ع عينها ..
    علي .. اي كولش عفته وطلعت .. عمامي هم سلموا وطلعنا .. ردنا نصعد بالسيارات .. اشوف بنيه وي ابويه تمشي .. ولازمه علاگه مال ملابس ومنصيه راسهه ولابسه حجاب حتى ماشفت شكلها بس هي طويله ولابسه جبه .. #شمس
    صعدها ابويه بالسياره . يالله بنيتي اصعدي أكعدي يم زوجج ..
    هي صعدت ماصدگت ..
    علي .. يابه اشو جبتها ليش
    ابويه .. لك غير صارت زوجتك لعد نعوفها عند اهلها .. وابوها گال صارت بنتكم اخذوها بعبايتها ..
    علي .. قصدك بجبتها مو بعبايتها 😂
    ابويه .. لك صاير تحشش دصعد اصعد .. انت اصلا ماالك حق تحجي .. والبنيه ماطلبت شي اني گلت حيستغلونه .. بس طلعت ماتدور فلوس #شمس
    علي .. هههه اي طبعا مايطلبون لان ضامنه نفسها ماخذه واحد مثلي بحلمها مشايفته .. ونسيت الغايب .. الفرحه تريد تحج بيت الله براسي هههه
    ابويه .. تصعد لو اتركك هنا وامشي ..#شمس
    صعدت يمها بالسياره .. وحتى مااتباوعتلها .. الطريق كوله هي ساكته ولاتحركت عبالك صنم وتباوع للشباك عبالك مشايفه حاضنه الشبك حضن 😂
    ابويه اتصل بأمي . وخبرها انه اني عقدت وگللها ع كولشي وعرفت جبنا البنيه ويانه ..
    وصلنا البيت اهلي .. عمامي راحوا لبيوتهم واحنه رجعنا وي عمي رافد لان ابويه اجه وياه بسيارته فهو رجعنا .. #شمس
    دخلنا .. هي بقت واكفه .. گلتلها متدخلين گالت انت بالاول اتباوعتلها هي منصيه راسها . هزيت ايدي وعفتها ودخلت .
    تلگتني امي بالمطبخ ماخذه ع خاطرها لان ماحضرت عقدي ..
    علي .. هههههه يمه شبيج اشو عايشه الدور هو كوله عقد كلاوات .. صدگتي اني اتزوج بهاي ..
    امي .. لعد وينها البنيه مو گال ابوك اجت ويانا ..
    علي .. ذيج واكفه بالشمس 😂 تنتضر امر الدخول الخبله ..
    امي .. لا يوم عيب .. خطيه البنيه ليش هيج تعاملها
    علي .. لعد وين رسل ورفل شعجب .. ماردحن هنا ..
    امي .. ههههه تعبانات اجن من الدوام ونامن ..
    وعبالنه تتأخرون .. #شمس
    شفت ابويه دخلها .. دخلت للبيت بعدني اريد اصعد اول درجه سمعت امي .. اللهم صل ع محمد وال محمد . سبحان الخالق والمصور هلو حبيبتي دخولي ماما ..
    علي .. يووووه اشتغلت .. امي گامت تصلي ع محمد اخواتي الله اليستر شراح يسون اذا گعدن .. خلي اصعد انام احسن ..
    دخلت سبحت ونمت لان حيل تعبان ..
    بعدني بس غفيت .. اجه حيدر فتح الباب .. اتباوعتله بعين وحده .. گوتله حيدر مو وكتك اطلع .. لان اعرف يريد يضحك وينصب عليه ..
    حيدر .. اجبت طفرت عليه وحضنته .. وگتله مبروك ضلعي فرحتلك وربي ..
    علي .. يله مشكور ماقصرت امشي اطلع اريد انام ..
    حيدر .. ههههه ياله طالع .. بس انت شگد اثول .. اكو واحد عنده هيج مره صاكه وعايفها ونايم وحده..
    ولو شفتها هيج خطف بس تخبل لك شگد محضوظ
    علي .. ههههههههه(إخًَْـُ بًًٌٍَُِطنٍَِّْيَِّ)ههههههههههه ضحكتني لك دروح منا قصدك ماخذلي خروف 😂😂
    حيدر .. شگد اثول
    طلع حيدر .. واني بداخلي هاي شبيهم اهلي ولاتگول ناس شايفه وناس مثقفه انبهروا ببنت الفلاح . خلي انام احسن الي ونمت ماگعدت للمغرب .. #شمس
    فرح .. هسا اجه الوقت اعرفكم عن نفسي .. اني اهلي يسموني فرحه .. بعد كم شهر اصير 17 سنه اخواتي كلهن تزوجن ب 14 سنه بس اني ابوي مايقبل يزوجني يگلي بوجودج يزيد المحصول والخير ..
    ابوي محسن الفلاح يگلوله لان جان فلاح عند جدي الشيخ .. امي بنت الشيخ حبت ابوي واتزوجها غصب عن جدي واخذها هي الوحيده لجدي ماعندها اخوان .. جدي قبل وانجبر عن الفضيحه خاف تنهزم وياه .. بس بقى فلاح عند جدي.. وجدي گام يكرب عليه يعاقبه لان اتزوج بنته .. بس ابوي بقى يحب امي وامي هم تحبه ماتغيير حبهم .. امي جابت ولد .. اسمه بدر واثنين بنات قبلي حلا وعلا .. ومن اجيت للدنيا اني توفى جدي الشيخ وصارت الاملاك والجاه والمال كله الامي وهي انطته الابوي . ابوي سماني فرح او فرحه لان فرح بجيتي وجبتله الخير فضلني عن اخواني واني الوحيده الي خلاني اكمل دراسه ووصلت للثالث متوسط . امنيتي اكمل بس ابوي گال لهنا وكافي اني شاطره حيل وذكيه ع امي .. لان امي جان السلف كله يسولف بذكائها وكلها مستغربه شلون بنت الشيخ الذكيه والحلوه .. تاخذ محسن الفلاح .. لان ابوي امي لايقرأ ولا يكتب بس طيب وفطير ويحب من گلبه لهذا امي حبته ..
    واجه اخوي محمد وراي بس هم بقوا يحبوني .. اني ماخذه مواصفات امي وحلاتها وذكائها .. طويله وجسمي رشيق بس مو جلد وعظم لا تارسه وملامح انوثتي بارزه لهذا ابوي من اطلع يلبسني جبه وحجاب لان يخاف عليه .. وشعري طويل كلش بطولي واصفر واني حمره بيضه بعد بنت عرب . عايشين ع الحليب والروبه والگيمر لهذا حلوين 😂 بدون مبالغه ومااريد اجمل نفسي بس صدگ حلوه ..البارت السادس
    بيوم اخوي محمد جاي يسرح بالخرفان وتاهن عليه ..
    طلب ابوي من عدنا اني واخوي نلمهن .. اخوي بدر راح من جهه واني من جهه اني مااطلع بيهن ابد ابوي مخليني يمه يخاف عليه .. هاي اول مره لان تاهن وخاف سياره تضربهن لان مشن ع طريق السيارت .. اني اركض وراهن ومامنتبهه ع الطريق .. مااشوف الا سياره ضربتني وماحسيت ع روحي الا بالمستشفى ..
    رجليه انكسرت وراسي مخيط .. وابوي گالب الدنيا .. ويهدد ويگلهم الا ياخذها ..
    اني ماقبلت وحجيت الامي اني مو معيوبه حتى ابوي يذبني هيج ..
    بس ابوي رجال الي بعقله يسوي حتى حب امي مايرجعه عن كلامه ..
    من صرت امام الامر الواقع وشفت البجي والحجي ميفيد ..
    طبت وفكو الجبس عن رجليه وگمت امشي . وصرت زينه اجت امي وگالت فرحه گومي يمه اسبحي وجهزي نفسج وحضري غراضج اليوم يجي السيد يعقد عليكم انتي والولد الي ضربج ..
    گمت ابجي وگلتلها يمه هسا لو منطيني الواحد من السلف ميخالف .. بس تنطوني البغداد .. هذيج الناس تختلف عنا واني مااگدر اعيش وياهم .
    امي هدأتني .. وگالت انتي بنتي الذكيه والحبابه تعرفين مايوم كسرنا كلمه ابوج واريدج ترفعين راسه وراسي هناك لو شيسوولج انتي صيري خرسه وعميه وطرشه .. ومع الزمن تتعودين عليهم وعلى طبعهم ..
    فرح .. زين يمه عندي طلب .. مااريد لافلوس ولاذهب اذا سألوكم گلولهم حاظر قرآن وغايب احج بيت الله ..
    بوستني امي براسي .. وگالت عفيه بترباتي هاي بنيتي فروحه ..
    سبحت وحضرت ملابسي .. وعيني صارت ع مكينتي اني اخيط وافصل وخياطي حلو .. اجت امي گالت يله يمه خلصوا غدا راح يصيحوج ..
    گلتلها كملت يمه بس شعري عليج .. لان متعوده امي تمشطه وتضفره الي لان طويل ومااسيطر عليه ..
    مشطتلي امي وخلصت .. اجه بدر گال ابوي يريدج ..
    لبست جبه وخليت غشاوه ع راسي ووجهي كولشي ماطلع مني ودخلت ..
    عقد الي السيد بالاول وبعدين وي الولد وبعدين عرفت اسمه علي .. يمه حتى اسمه يخبل . صوته حلو ورجولي .. گمت ارجف كلي من صوته رفعت راسي صحيح حاطه غشاوه بس اشوف منها بس المقابيل ميشوفني ..
    اتباوعتله .. اووووف شنو من ولد جسم ووجهه حنطاوي بس يخبل وشعره رافعه لفوگ وعنده لحيه خفيفه . دخل گلبي بسرعه ..
    لان احنه عدنا حب المره الرجلها وبس وهذا صار رجلي .. والله دخل حبه بگلبي ..
    بس هو مبين عليه مجبور ومرايدني لان وجهه عابس ويحجي من ورى خشمه ..
    عقدنا كملنا .. گمت بست ايد عمي ابو الولد وايد ابوي . ومشيت الامي بوستها وابجي وهي تبجي ع فراگي تالي اجه ابوي يصيح يگلي استعجلي الناس تريد تمشي اخذت غراضي وحضنته وحضني ونبجي .. طلعت وي عمي .. گلي بويه انتي صرتي بنتي وعلي رجلج وان شاء الله مانقصر وياج ..
    هزيت براسي ومشيت وياه ومنصيه راسي استحي . وشفته واگف ومعصب صدگ خفت منه ..
    صعدت للسياره .. وگعدت يم الشباك قررت مااتباوعله وابقى اتباوع للطريق يخبل بحياتي مارايحه البغداد ولا زايره ولا طالعه المكان هاي اول مره ..
    بغداد حلوه اني عبالك مشايفه وهو صدگ مشايفه حضنت الشباك حظن .. ومنطقتهم حلوه تخبل . وبيتهم اووووف عبالك قصر يخبل .. من هذا البيت ابو الاعمده .. نزلت ووكفت بالطارمه گال علي متدخلين .. گلتله لا انت بالاول لان عدنا لازم الرجال يدخلون قبل النساء .. اشو هذا هز ايده ودخل ماعبرني .. ضجت بس گلت ميخالف ممتعود عليه وميعرفني .. او يمكن عباله جاهله وماافتهم ومستهين بيه .. #
    هذا كله واني مرافعه عيني بعينه منصيه راسي للگاع واحجي . ورى شويه دخل عمي گلي .. ليش بويه واكفه بالشمس ادخلي ودخلني وياه .. شفت مره بالمطبخ واكفه وحلوه ومثقفه ولابسه كلابيه عبالك مال خليجيات يعني مره كلها وقار .. گال عمي ادخلي سلمي على عمتج عرفت هاي ام علي من شافتني انبهرت وگام تصيح اللهم صل على محمد .. دخلت بوستها وبوست ايديها ماقبلت جرتهه وحضنتني .. وگلتلي تعالي يوم اكيد تعبانه ودخلتني الغرفه بيها بنات اثنين .. گعدتهن من شافني بقن هيج 😮😮 شنو السالفه مااعرف .
    واتعرفت عليهن وعرفت يصيرن اخوات علي ومبينات حبابات رسل بعمري .. وضجت من گالت هي بالخامس علمي لان اني لو مكمله هسا وياهه .. ورفل بالثاني متوسط .. حبيتهم كلش .. تالي غيرت ملابس لبست گلابيه من خياطي تعجبو من شافوها وعرفوا اني مخيطتها .. گلولي عبالنه حاظر ورتبت ملابس بكنتور رسل لان اني بالاصل ملابسي قليله ماعندي هوايه .. #شمس
    تالي عمتي گالت انزعي الحجاب ماما ماكو احد يمج .. اني نزعته همه هيج 😮😮😮😮 ياربي شلون اليوم
    رفل .. بربج فرح هذا شعرج
    فرح .. اي شعري
    رسل .. خررررب واني طايحتلها گص .. لو هيج الشعر لو بلا
    ام حيدر .. صلوا ع النبي ماما .. ماشاء الله حبيبتي وطلعت وتركتنا ..
    واني بقيت اسولف واضحك وي البنات كولش حبوني وحبيتهم .. ماانكر كنت خايفه من اجييت بس همه ناس طيبين وماحسسوني اني غريبه لو مو من طبقتهم .. بس علاوي خايفه منه ومن نضراته ..


    البارت السابع 

    علي .. گعدت المغرب سبحت وبدلت وصليت ونزلت .. شفت الثنائي المرح .. دا يصلن .. 
    اي همزين مالي خلگ يسولي زفه .. خلي افلت 🏃
    طلعت من المطبخ .. لگيت امي .
    علي مو تتأخر ع العشا ..
    علي .. لا يوم اني معزوم تعشو لتنتضروني ..
    امي .. علي علي .. شلون بيه بهذا الولد ..

    فرح .. البنات گامو يسون عشا بعد ماخلصنا صلاة ..
    لگيتهم مطلعين دجاج ..
    اتذكرت امي من تسويلنه مسخن .. نزلت دمعتي استاقيتلهم هواي .. #شمس
    شافتني رسل حضنتني .. اوووف فروحه حبيبي اعتبرينا اخواتج واهلج لتبجين .. گلتلهن لا بس اتذكرت ماما من تسويلنا مسخن .. 
    رفل .. مسخن شنو ..
    فرح .. اكله بالدجاج تخبل .. #شمس
    رسل .. اوك لعد اليووم عشانا عليج😉
    فرح .. بعيني .. اليوم اني حسوي العشا ..
    اني گمت قطعت الدجاج وسلگته .. والبنات يساعدوني ويسسون زلايط وخضره .. عمتي اجت گالت ماشاء الله شنو هذي النداره . من اول يوم حبيبتي لتعبين نفسج ..
    نزلت بنيه تخزر بيه .. عرفت بعدين هذي مرت حيدر سابحه ومبدله ..
    گالت .. هاي الريفيه اشو ممبين عليها جمال وحلاه لعد ليش علي خبصنا مااريدها ومااريدها ..
    عمتي خزرتها. .. #شمس
    نزل حيدر .. سلم وعرفني بنفسه انسان حباب .. 
    گللها .. يوم اني طالع تريد شي .. 
    عمتي .. لا يمه الله وياك ومو تتأخر ع العشا اليوم فروحه مسويتلنا العشا .. 

    اشو حيدر طلع وطلعت مرته وراه .. اسمعها تگله شدعوه هيج سلامك وياهه وتباوع عليها لان حلوه .. وهي الملعونه عود لابسه حجاب .. طالع شعرها ع طول رجليها ..
    حيدر .. لج صدوگ تغارين صحيح هي حلوه واحلى منج .. ههههه اتشاقه وياج حياتي انتي مرتي وبعيني احلى وحده 😂😂 وهي مرت اخوي شنو هذا الحجي ..
    رحاب .. روح حيدر روح ولتجي بعد احلى مني مو بسيطه ..
    حيدر 😂😂😂 احبج 
    رجعت للمطبخ عابسه وجهه .. عيني فرحه لو تلبسين الحجاب لو تنزعيه ترى ميصير هيج ضفيرتج ع طول جسمج نازله .. #
    عمتي خزرتها .. ماما رحاب عيب .. مو هيج تعامليها انت اكبر منها والمفروض تعلميها .. شلون تعاملين رسل ورفل تعامليها .. لاتفرقين ..

    فرح .. سلگت الدجاج وكملته وحمست البصل والسماگ وخليت الخبز والبصل والدجاج بالصواني وبالفرن .. 
    وجهزوا البنات الزلايط . 
    اجه عمي تلگيته اخذت الغراض منه .. گتله گواك الله عمي .. رحاب تضحك ع لهجتي لان هم يگولون الله يساعدك ..
    رحت جبت مي العمي ونطيته .. گال بارك الله بيج عمو .. بناتي كبار ولليوم ماكو وحده جابتلي كلاص مي من ارجع .. 

    رحاب .. عمو هاي لواگه واحنه منعرف نتلوگ .. 
    ابو حيدر.. رحااااب استحي شويه مو اني گاعد . 

    فرح گمنا اني والبنات انجهز العشا .. 

    ابوحيدر .. ام حيدر البنيه مبينه حبابه ومطيعه وحلوه .. بلكي اذا عرفها علي وعاش وياهه يحبها ..
    ام حيدر .. الله يسمع منك .. صراحه من گلتوا بالريف مااتوقعت هيج بنيه حلوه ونادره نضيفه وذكيه الله يحفضها .. سمعتها تسولف للبنات مخلصه ثالث وجايبه معدل عالي بس ابوها مخلاهه تكمل. . #شمس
    رحاب .. اني من سمعت هيج متت حرگه ..
    طبعا نسيت اعرفكم ع نفسي .. اني رحاب بنت عمهم رافد .. اتزوجنا اني وحيدر عن حب .. من دخلت كنت اني الوحيده والمدللة عندهم .. احبهم ويحبوني والبنات هم من المدرسه للدراسه مو دايما نگعد سويه ..
    عندي اختي الاصغر مني اسمها رضاب بالجامعه تربيه ..
    تحب علي حب من طرف واحد .. وعدتها اضغط ع عمتي واقنعها تزوجها علي .. وكنت احسب التصرفاتي وطريقتي وياهم بالتعامل حتى يخطبون رضاب ..

    الى ان اجت هاي الطرگاعه . مااتوقعت يقبل علي يتزوجها .. بس مااعرف شلون اقتنع .. من عرفت عاقد عليها وجايبهه وياه .. تخبلت .. واتصلت ع رضاب اختي تجي ومتخليلها الساحة فارغه .. وخاصه البنيه حلوه وطويله ورشيقه .. وينخاف منها بيوم واحد خلت الكل يحبها حتى حيدر .. متعجب بيها ..
    واخاف توگع علي بيومين ..#

    اجه حيدر وخلينا السفره وخليت صواني المسخن بنص وكل وجبت وياهه صحون فارغه كل واحد مقابيله صحن .. تخبلوا ع الاكل وطعموا .. 
    عمتي .. هذا اليوم عشا فروحه سوته بأيديها 
    فرح .. 😊
    ابو حيدر .. امممم عاشت ايدج .. بس بعد لتوگفوها هوايه لان رجلها بعدهي .
    رحاب .. 😏😠

    فرح .. اكلوا وعجبهم الاكل . 
    وعمي يمدح ويگلي شنو من نفس عندج ..
    اني شلت صحن. العلي خليته بالفرن .. گلتلي عمتي وين وديتيه .. گلتلها عمه خاف يجي علي جوعان ..
    حيدر .. هاي النسوان . 
    گرصته رحاب من رجله .. 😂 هو بسرعه غير الموضوع 
    فرح انتي شنو مكمله ..
    فرح اني كملت ثالث متوسط وبعد ابوي بطلني ..
    حيدر .. شگد طلعتي معدل ..
    فرح .. 98
    حيدر .. اوووه جيد .. ياله عيني رفل شوفينا شطارتج السنه الجايه نريد هيج معدل 
    رفل 😂😂 
    ابو حيدر .. فروحه باباتي انتي بعمر رسل ليش ما السنه الجايه تقدمين سادس خارجي وتدرسين وي رسل واندخلكم دورات وانتي مبينه شاطره وذكيه ..
    فرح .. فرحت من داخلي . وگوتله عمو لازم يقبل علي يله مااسوي شي مو برضاته ..
    ابو حيدر .. الله يرضى عليج بنيتي .. عوفيلي علي عليه ..
    رحاب .. الله كريم اذا باقيه منا للسنه الجايه ..
    حيدر .. گرصتها وگولتلها يله حبيبتي گومي غسلي وجيبيلي جاي للغرفه تعبان ..
    البارت ثامن

    حيدر .. رحاب هاي ليش هيج تسوين وي البنيه .. خطيه 
    رحاب .. متشوف اهلك شايليها بالصلاوات واني زحلگوني .. مو هي نفسها الي اهلها جبروكم عليها .. 
    اشو هسا صارت عزيزه ..
    حيدر .. حبيبي البنيه ممأذيه احد .. وابوها مثل ماجبرنا جبرها يعني شلون نضلمها احنه هم ..
    انتي العاقله هيج تحجين .. #شمس
    رحاب .. يوووه حبيبي عوفنه من فرحه .. اگلك اختي رضاب حتجي كم يوم تتونس يمنا ..
    حيدر .. هلا بيها بيت عمها مو غريب ..
    يله حبيبي تعالي بحظني وجريتها الحظني وووو

    علي .. اجيت بالليل .. فتحت الباب كولهه نايمه .. اي همزين اتباوعت بالثلاجه ماكو شي بس خضروات وفواكه شنو يربي ممسوين عشا .. صارت عيني ع الفرن فتحته لگيت خبز وفوگه دجاج وسماگ شكله يشهي .. گعدت اكل ع الطاوله بالمطبخ . 
    طلعت رسل من الغرفه .. شافتني اكل غرفة البنات جوه بصف غرفه اهلي وغرفتنا فوگ اني وحيدر ..
    رسل .. ياهلا .. لازم جوعان .. طيب الاكل ..
    علي .. اي طيب بس اكيد مو انتي الي مسويته .. وملتهي اكل ..
    رسل .. هاي زوجتك سوته ..
    علي .. ويييع😝 ليش مگلتوا .. وشلون تخلون هاي المعيديه تطبخ .. لعبتي نفسي ..
    عفت الاكل وگمت .. 
    رسل .. هجم بيتها للبانيه .. لعبت نفسك ليش انت بحلاتها بنضافتها .. 
    علي .. امشي الغرفتج لا هسا هيج 👊👊
    رسل .. لا وعليمن بوكس منك ينيمني هنا .. اروح انام بغرفتنا احسن 😂

    فرح .. سمعنا صوت رسل مااعرف ويامن تحجي.. دور دخلت للغرفه ..
    رفل .. هاي ويامن تحجين 
    رسل .. وي علاوي طلع روحي .. الله يساعدج عليه شلون راح تعيشين وياه ..
    فرح .. متسولفولي عنه .. شنو يحب شنو يكره ..
    رسل .. اووووه هاي يرادلها گعده .. قبل كولشي لازم تغيرين لبسج .. يعني هاي الدشاديش الي تلبسيها ماملائمه هنا .. #

    فرح .. شنو البس .. اني هناك هذا لبسنه 😟
    رسل .. لا حبيبتي .. لتفهميني غلط لبسج مابي شي بس اريدج تخبليه العلاوي هذا مشايفج وعباله محلوه .. 

    بابا گال باجر نروح للمول نشتري غراض وملابس ومناك اشتريلج كم تراك ودشاديش مخصره تبين جسمج لان دشاديشج عراض . وملابس طلعه .. 

    فرح .. لا اني استحي ماالبس هيج .. ومااريد اكلفكم 
    رسل .. لح شبيج اعتبريه نيشانج مو انتي مااشترولج اهلي شي ..

    رفل .. يوووه نامن والصباح رباح عود باجر كملن سوالف ..
    فرح 😂 يله تصبحون ع خير 
    رفل & رسل .. وانتي من اهل الخير .. 
    علي .. گعدت من الصبح اريد اروح للجامعه عمود الشغله مالتي . بلكي تصير موافقه .اليوم واخلص لان طولت ..

    بدلت ونزلت ونزلت البس بساعتي ع الدرج .. 
    ومااشوف الا وحده خطفت من يمي .. لابسه حجاب ع راسهه ومغشيه روحهه .. 
    هههههه😂😂 والله ياربي وثول شلون تركض .. ودور صبحت بوجها الله اليستر .. 

    فرح .. گعدت من الصبح لان البنات نايمين .. واحنه مامتعودين ننام .. گعدتنا من الفجر اشتاقيت للسلف والگعده من الصبح بالبستان الله ..
    گمت غسلت وجهي .. وخليت الجاي ع النار وطلعت جبن من الثلاجه قطعته وسويت خيار وطماطه وزيتون يمه وخليت البيضات ع النار سلگتهن .. وردت ارجع للغرفه وشفت علي نزل .. اووووف شطالع وعطره قبله نزل .. هو مشافني لان ملتهي يلبس بساعته .. 
    لابس ستره ومخلي لفاف ع رگبته ورافع شعره لفوگ يخبل طالع .. 
    اني بسرعه ركضت للغرفه دخلت لان ادري بي ميحبني ..
    حيدر .. دخلت للمطبخ لگيت ع الطاوله جبن ويمه خيار وطماطه وزيتون مرتب وبتشكيله حلوه .. عجبني اكلت واني واگف شويه وطلعت .. 
    گعد عمو وعمتي وحيدر.. شافوني محظره الريوگ ..
    حيدر .. اممممم شنو هذا الريوگ الملوكي ولا ريحه الجاي من الدرج اشتميته ..
    عمو .. ماشاء الله بنيتي ..
    عمتي .. ماما ليش گعدتي من الصبح حبيبتي .. اني دايما اسويلهم الريوگ البنات يبقون نايمين ..

    فرح .. لا عمه اني مااعرف اتأخر بالنوم متعودين نگعد من الصبح ..
    حيدر .. 😂 اشو مرتي ابوس بيها حتى تگعد ماكو ..
    ورسل ورفل اقراي سوره الفاتحه عليهن للدوام بالگوه تگعدهن امي .. #

    ام حيدر .. ياصدوگ فروحه گعديهن حيتأخرن .. 

    فرح .. رسوله رفوله اگعدوا راح تتأخرون ..
    رسل .. اووووه حبابه شويه 
    رفل .. يااا غير تگعدوني راح اتأخر ..
    بدلو البنات وطلعوا واني نضفت البيت . وعمتي رادت تطبخ مخليتها .. سويتلهم باميه وتمن . للعشره اني مكمله كلشي .. 

    نزلت مرت حيدر .. الله يثخن اللبن . 
    عمتي .. وتالي رحاب من الصبح .. 
    رحاب .. خلص عمه دا اشاقه شبيج .. اگولج عمه گولي شأسوي غدا من هسا حتى اطبخ .. والتنضيف خليه ع فرح ..
    عمتي .. ماكو داعي حبيبتي فروحه نضفت وطبخت مخلتني اسوي شي ..
    رحاب 😡 اوك لعد حجهز نفسي اني گلت الحيدر اروح يم اهلي ..
    ام حيدر .. الله وياج وسلميلنا ع اهلج بس منو ياخذج ..
    رحاب .. حيدر شويه ويمر لان عساس اروح بعد الضهر بس مدام ماعندي شي اروح هسا ..
    ام حيدر .. حبيبتي فروحه . اريد اسولف وياج .. لان مصار وقت احجي وياج . انتي صرتي من عدنا وبنيتنا وعلي زوجج .. صحيح هو ممتقبل زواجه منج بس لازم تحاولين تكسبيه وتخليه يحبج ..

    فرح .. يعني شلون عمه وهو ميطيق يتباوعلي ..
    البارت التاسع ..

    ام حيدر .. ماما انتي بنيه حلوه وجسمج حلو .. وملابسج هم حلوه بس عراض وعلي شاب وشايف اشكال وهسا هو حيرجع يداوم بالجامعه والبنات داير مدايره هوايه .. لازم تلبسين وتعدلين . 

    فرح .. ميخالف من اروح الاهلي اجيب قماش واخيطهن لو الي عندي اگصفهن ..
    ام حيدر .. ههههه لا حبيبتي .. العصر عمج گال روحوا للمول واشتروا ورسل عندها ذوق وبعمرج تختارلج .. 

    فرح .. لا عمه مايصير .. 
    ام حيدر .. لج بنتي شنو ميصير اعتبريه نيشانج .. لتخجلين انتي مسؤوله من عدنا شنو تحتاجين گولي ..

    علي .. وصلت للجامعه .. واني ادعي يارب كون جايه الموافقه ولو اذا هاي الططوه شفتها من الصبح شلون تجي بعد ..
    دخلت للعميد .. هلو علاوي هسا ردت اتصل عليك. 
    علي .. بشرني دكتور ..
    العميد . مبروك اجت الموافقه وتگدر تدوام معيد بقسمك ..
    علي .. رحم الله والديك دكتور ماانسى فضلك .. 
    حيدر .. اجيت اخذ رحاب الاهلها .. مستعجل ولگيت رحت الاكل بخشمي ..
    اها شعجب طابخين اليوم من وكت ..
    امي .. هي فروحه النادره من الصبح طبخت ونضفت ..
    نزلت رحاب .. هيج عمه هسا صارت فروحه النادره ورحاب الجايفه هي هاي جزاتها ست اشهر وياج مخليتج تگسين شي ..
    ام حيدر .. حبيبتي شبيج صايره حساسه اني مانكرت شي . بس لازم المقابل يرادله تشجيع وهي مكسوره خاطر وبعيده عن اهلها ..

    حيدر .. اوووه اشتغلت الغيره 
    رحاب.. لا عليمن هالغيرة امشي ياعيني حنتأخر عيب ندخل الهم وقت الغدا ..
    حيدر .. دأوكفي واخذت ماعون وخليت بي تمن وفوگاه مرگه . هيج نفس بالاكل مشايف ..
    رحاب .. بالله مو عيب تاكل هنا وهناك تگلهم مااشتهي وثاني هي باميه وتمن مضايگهه قبل ..
    حيدر .. اي صحيح مضايگ هيج طعم .. تعاي الله عليج ضوگي ..
    رحاب .. درت وجهي .. مااريد ..
    فرح .. گعدت بالغرفه اگلب بكتب رسل البقيه .. گمت اتلافه وجود رحاب ادري بيها متحبني ..

    للضهر واخيرا اجو البنات اشتاقيتلهم عبالك سنين اعرفهم ..
    ركضت حضنتهم وعمتي تضحك علينا .. 
    گالت ياله تغدوا وارتاحو شويه حتى العصر نطلع ..
    فرح .. وعمي مننتضره 
    رسل .. لا بابا ياكل بالمحل ميجي .. بس اندزله غدا وي العامل الي عنده .. وصدوگ دگ الباب العامل ع الغدا وماما محضرته نطتهيا ..

    اتغدينا ونمنا والعصر گعدنا .. البنات لبسو بنطرون وقميص وفوكاه ستره طويله يكولن اسمه كوت ولبسن حجاب ..
    اني طلعت جبتي .. جرتها مني رسل ..
    رسل .. انسي تلبسين هاي هنايه . حنطيج مني اليوم اني البسج ..
    لبستها بنطرون وبلوزه طويله مني وهي جسمها حلو طلعت تخبل لفيت شعرها كبايه ولبستها الشال وخليتلها كحل خيفيف ولو هي متحتاج ..
    وهي طويله مقبل تلبس حذاء عالي نطيتها بوت قصير مني وفلات ..
    باوعت الروحها بالمرايه .. خليت ايديها ع وجهها .. ههههه هاي مو اني شلون حطلع هيج ..
    رفل .. فروحه اتعودي اذا تردين تكسبين علاوي لازم تغريه بالملابس وتلبسين . المستحه انسيها ..

    ام حيدر .. ياله بنات مخلصتوا .. احنا حنبقى ع العشا بالمول وابوكم يجينا لهناك يرجعنا .. لان حيدر ومرته ماهمه وعلي كالعاده وي اصدقائه ..

    علي .. اجيت تعبان من الجامعه .. ماتغديت مااشتهي صعدت گبل نمت گعدت العصر كولش .. لگيت ماما مخليتلي ملاحظه ع باب الثلاجه .. علاوي احنه طالعين من تطلع لتنسى تقفل الباب ..

    اني هم دخلت سبحت واكلت فاكهه .. وصعدت بدلت واتصلت ع احمد ومنتضر .. وطلعنا ..

    فرح .. دخلنا السوگ شكبره رسل تگول اسمه مول .. 
    بي كلشي حتى مطعم .. والبنات شنو لبسهم بهذا البرد وهنا لابسات للركبه .. واني امشي واجر بالبلوزه مستحيه ممتعوده ..
    البنات اشترولي اتراكات وروب شتوي لان اني ماعندي ملابس شتويه هوايه اكثرهم صيفي جبت واشترولي احذيه وعطور وشامبو ومنشفه وملابس طلعه ستر وبناطير وقمصان وشالات واحذيه واني البس وانزع كل ساعه خبلني😂

    اگلهم كافي وهمه يشترون .. شويه اجه عمو اخذ الغراض واحنه ساعدناه وصلناهن للسياره ورجعنا نتعشى .. 
    البنات طلبوا اكل بيتزا وصاج وعمو وعمتي طلبوا گص وزلايط يسموها مقبلات واني گلتلهم مثل عمو وعمتي لان مااعرف شنو هاي البيتزا ..
    البنات يحاولن يعلمني كلشي وكل كلمه غريبه عليه يفسرنهه الي .. واني اسمع الهم واتعلم بسرعه ..

    خلصنا اكل ورحنا للحمامات نغسل ..

    علي طلعنا اني واصدقائي .. ودخلنا للمول .. نفتر وجان منتضر يگول ولك شوف ذني الصاكات اتباوعت هذي رسل ورفل ووياهم بنيه تخبل سبحان الخالق وطويله وشلون جسم عليها يموت .. ولبسها حلو مرتبه گلت اكيد هاي صديقتهم .. بس شعندهم هنا وحدهم ..
    اتباوعت المنتضر واحمد مشالوا عينهم .. عطت بيهم 
    ولكم تنزلون عينكم لو 👊👊 ذولي اخواتي شلون هيج تتباوعون ..

    رسل التفت .. شفت علي واصدقائه وياه احمد هذا الولد عجبني بحفله التخرج مال علاوي شفته ..
    هو خزرنا .. گلتلهن اطفرن علي ورانا ويخوزر .. فرح هههه گامت تطبگ رجل برجل من الخوف بس تريد توصل يم. اهلي ..

    علي .. استأذنت من احمد ومنتضر وگلتلهم اهلي هنا اروح اشوفهم واجي ..

    احمد .. مرحبا اني صديق علاوي .. وخريج مثله بكلوريوس لغه انكليزيه . بس تخرجت بالدفعات مو مثل علي محضوظ ..
    ابويه عنده محل مال اجهزه كهربائيه يبيع واني اشتغل وياه الصبح اني والعصر هو يگعد .. عندي اثنين اخوات
    شفت اخت احمد رسل بالحفله مال تخرج وانعجبت بيها كولش .. حلوه وانيقه وبعد مشفتها بس بقت ببالي . واليوم شفتها بالمول .. واتباوعتلي اخذته الگلبي ونضراتها تموت .. بس وياي علاوي ونزلت عيني عيب منه .. گال اخواتي ومنتضر اثول عباله بنات غربه 😂😂 ناسيهن ..
    البارت العاشر 
    علي .. شفت اهلي وين گاعدين رحت يمهم .. 
    لگيت امي وابويه ورسل ورفل والبنيه الحلوه .. 
    سلمت عليهم البنيه خجلانه ومنصيه راسهه واني احجي وي اهلي وعيني عليها .. 
    اووووف ياربي هاي البنات مو اني رحت تزوجت فرحه بنت الفلاح .. #بقلمي_شمس

    ام حيدر .. تعال يمه هنا اگعد يم مرتك ..
    علي .. 😮😮 مرتك شنو 
    رسل & رفل 😂😂😂 ضيعت مرتك علاوي شبيك هاي فرح ..
    ابويه .. فرحه هاي شبيك ضيعتها ..
    علي .. 😡 اعرفها شبيه . يله اني رايح جماعتي منتضريني ..

    علي .. رجعت واني مصدوم معقوله هاي الجمال مرتي هي هاي فرحه واغم بوجهي .. ولك علاوي مرتك هيج حلوه ومگابل هل المطايه .. عجبتني بس كرامتي ماتسمح اضهر اعجابي وتبقى ثقافتها ومستواهه مو مثلي واكيد مانتفاهم .. #شمس
    شفتهم گبالي 😡 احمد& منتضر .. 
    علي .. يله امشو نطلع
    منتضر .. لك علي هاي الحلوه هم اختك ..
    علي .. 😡😡 لك اتأدب وانت شعليك .. 
    تمشي وياي وعينك ع عرضي ..

    علي .. اني مااحس شي اتجاهه بس ليش ضجت من حجى منتضر ماادري ..
    فرح .. رجعنا للبيت تعبانين .. وجان اشوف رحاب ووياهه بنيه گاعدات بالصاله .. 
    البنيه گامت سلمت ع عمي وعمتي والبنات واجت عليه .. انتي فرح امممم وتباوعلي من فوگ لجوه .. مااعرف شبيها 
    اني رضاب بنت عمهم. واخت رحاب .. سلمت عليها .. ودخلت للغرفه غيرنا ملابسنا اصرت رسل البس واحد من التراكات لبست واحد ماروني قديفه وبي سحاب من الصدر حلو كولش .. رفل نامت من وكت لان تعبانه ..
    واني ورسل .. طلعنا الغراض الي اشتريتهم .. ارتبهن بالكنتور .. #شمس
    دخلت رضاب .. امممم هاي الاشياء كولهه الفرح ..
    رسل. اي حلوات مو 
    رضاب .. اي بس شنو مشايفه مشتريه السوگ كوله 
    رسل .. حبيبتي نسيتي فرح عروس ولازم نشتريلها 
    رضاب .. ههههه ضحكتيني عروس والعريس طافر مطايقها .. اي مو كلنا نعرف جبروه عليها ..
    رسل .. 😡😡 رضااااب 
    فرح بداخلي .. هاي شلون خلصت من رحاب اجت رضاب 
    رضاب .. اوي انام احسن لتخزرين .. 
    فرح اني گاعده ع سرير ثالث همه مخلين بالغرفه ثلاث اسره .. اشو اجت ودفعتني رضاب ..
    گومي عيني هذا مكاني متعوده انام بي ..

    رسل .. بس هسا صار مكان فرح ..

    رضاب .. مو تگولين عروس خلي تروح تنام يم زوجها ..
    فرح .. عادي رسل اني افرش وانام بالگاع شبيها قابل متعوده ع الاسره .. #شمس

    رضاب بهمس.. اي والله زين عرفتي نفسج ..

    فرح صحيح يسمعوني كلام . بس مااضوج اذا اني ابويه ذبني هيج لان اندعمت وسواني معيوبه فشلون اعتب ع الناس الغربه ..
    لازم اتحمل واكسبهم مثل مگالت امي ..
    فرشت بالگاع نزعت القراصه وحليت شعري ع طوله مااعرف انام وشعري مضفور .. ونمت ورسل گومتني بسريرها بس مقبلت .. حلوه نومت الگاع تخبل .. 
    نمت واني تعبانه محسيت ع روحي… گعدت بنص الليل عطشانه .. #شمس
    رحت للمطبخ واني فاتحه عين ومغمضه عين .. المطبخ اضلم .. شربت مي من الفلتر ودرت وجهي شفت واحد
    واگف يم الثلاجه رجليه وگفن مايتحركن .. گلت منو هو باقي بمكانه ومايحجي يمي المغرفه مال تشريب رفعتها وصرت قويه واريد اضربه هو لزم ايدي بسرعه وجرني اله وهمس بأذني .. اشششش اني علي لتفضحينا ..

    من جرني ع صدره وهمس بأذني وگلي اني علي .. انفاسي گام تصعد وتنزل ومااحس ع روحي .. فتح الضوه وصارت عيني بعينه .. اني بسرعه درت وجهي وركضت للغرفه .. ونمت بفراشي وغطيت وجهي وعيونه گبالي ومن جرني الصدره ..
    اوووف ياربي استغفر الله اول مره رجال يلزمني هيج حسيت مسويه ذنب . ومن جهه ثانيه حسيت بشعور حلو عود ليش ماادري ..تالي غفيت .. #شمس

    علي .. المطبخ گبال الغرفه مال البنات .. نزلت جوعان لان صار كم يوم مااتعشا بالبيت حتى مااشوف فرح ..
    شفتها طلعت من الغرفه لابسه تراك ماروني يخبل مطلع مفاتنها كولها .. والشعر نازل ع وجها والرجلها واصل عبالك ملاك ويمشي ع الگاع .. #شمس
    دخلت للمطبخ وشربت مي ومشافتني .. واني بس اتباوع تالي من التفتت شافتني خافت ورادت تضربني بالمغرفه عبالهه حرامي بسرعه لزمت ايدها وجريتها الصدري وهمست بأذنها وشعرها صار ع وجهي اوووف شنو من ريحه .. گلتلها لاتفضحينا وفتحت الضوه صارت عيني بعينها خجلت وركضت للغرفه ..

    بقيت متخبل بيها .. اصعد درجه والتفت بلكي تطلع .. صعدت الغرفتي ووافكر .. اووووف يعلاوي معقوله هاي نفسها بنت المعيدي محسن اتوقعتها مو حلوه ووسخه مثل الفلاحات الي انشوفهن .. معقوله هاي النعمه كلها الي ورفضتها وطيرتها مني .. للفجر افكر بيها .. نضرتها البريئه والخجوله اخذتلي عقلي .. #شمس

    الصبح كان يوم جمعه والبيت كوله نايم . وتدرون بيه مااعرف انام هواي من الفجر اگعد .. گمت عجنت عجينه كاهي .. وطلعت گيمر من الثلاجه وجاي مهيل وحار .. 
    صارت 8 والكل بعده نايم گعدت رسل . 
    رسل .. اووو هم جمعه ومنبقى نايمين 
    فرح .. بالتسعه اكو نوم ..
    رضاب .. انتي ديج من الصبح گاعده ومتخلينا ننام ..
    من سمعت رسل كلامها عليه گامت عناد بيها ..
    وگالت…
    البارت الحادي عشر 

    رسل گالت .. صباح الخير فروحه .. اممم اشم روايح طيبه شمسويه 
    فرح .. سويت كاهي وي الگيمر ع طريقتي ..
    رسل .. امممم لعد يستاهل واحد يصحى عموده وحصحيلج البيت كوله ..😂

    طلعت لگيت عمتي صاحيه .. امممم فروحه شنو هذا الابداع .. ماما مو گلنا لتعبين مو زين ع رجلج ..
    فرح .. لا عمه اني اتعب من الگعده مو من الشغل ..

    رسل سوت بوق بالبيت .. اگعدوا اليوم كاهي وگيمر الي ميگعد اكل حصته .. #شمس

    گعد عمو اممم فروحه اليوم بفضلج البيت كوله گاعد من الصبح 😂
    حدخل اسبح واطلع مااتأخر عليكم لان اريد اطلع للمحلات.. وگعدوا حيدر وعلي هم يروح ويانه اليوم عطله شعنده بالبيت يبقى ..
    بين ماالكل يجهز .. حضرت الطاوله . بيت عيالي اهل خير تفتحين الثلاجه كولشي يعجبج تلگين مثل اهلي يعني يسوي واهس واحد يطبخ ويتفنن ..

    علي نزلت بعد ماصحتني رسل اوامر الوالد .. سبحت ونزلت بالاتراگ .. شفتهه تفتر گدامي تذكرت الليل .. وشعرها بس هسا مخليه الكلاو مال الاتراك ع راسهه يعني مشفت شعرها .. وجسمها اوووف بس لابسه الروب فوگ تراك .. عندها نشاط مو طبيعي تتحرك منا ومنا ولاتگول رجلها مكسورها ومصار هواي من فتحو الجبس . حتى عيوني حولت من وراهه .. #شمس

    اجه حيدر من ورايه .. طبطب ع ضهري .. ها لازم حلت بعينك
    علي 😉 حكيت براسي منو ..
    حيدر . هههه تغشم روحك لك شگد محضوظ .. ماردتها والله نطاك جمال ونداره والاهم تگعد من الصبح تسوي كاهي شلون خلگ عليها ..
    علي 😡 .. خلي عينك ع الي عندك لاتحط عينك ع غيرك ..
    حيدر .. 😂😂😂 اشتغل الگلب بعلي ..
    رحاب .. شبيكم مشايفين والله خبصتونا وانت حيدر ترى زودتها.. 
    حيدر .. يومه خلي اطفر احسن الي 🏃🏃
    علي .. ههههه
    نزلت شافتني جمدت .. ماادري ليش تخاف مني . 
    رحاب .. لعد وين رضاب ليش مگعدتوها ع الريوگ ..
    رسل .. متقبل بعدهي نعسانه ..
    رحاب .. اني حروح اصحيها .. #شمس

    گعدنا كلنا ع الريوگ .. وكلها تمدح بالكاهي وترتيب السفره .. وعلي كلما اشيل عيني الگيه يتباوع ..

    گعدت رضاب .. صباح الخير 
    الكل .. صباح النور ..
    اتباوعت ع السفره .. اوووي هاي شنو كاهي وگيمر لا اني مااكل هيج اكلات مسويه دايت .
    عمتي .. هذا جبن واكلي اذا تردين ..
    رضاب .. هلو علاوي شلونك ..
    علي .. هلو بيج ماادري بيج هنا 
    رضاب .. البارحه اجيت .. صدوگ سمعت رجعت للجامعه يعني راح نتشاوف هوايه ..
    علي .. بلي رجعت راح تملين من شوفتي😂
    رضاب .. هههه ليش اكو واحد يمل منك ابن العم 😉

    فرح .. اني اسمع كلامهم ومتعجبه هاي شبيها تحجي هيج احنا عدنا عيب نختلط بالولد حتى لو كان ابن عمي او ابن خالي ..
    رسل .. هههه انتي بس هاي السنه وتخلصين ونجي اني وفرح وراج ندوخه العلي ..
    علي .. من گالت رسل هيج رفعت راسي واستغربت شنو فرح تدخل جامعه.
    رضاب .. ههههه تلگيها ابتدائيه ممكمله ..

    حيدر .. لج انتي تلحگيها بالدفعات وصلتي للجامعه .. وهي مطلعه معدل عالي بالثالث .. والسنه الجايه انقدملها خارجي وتمتحن. وي رسل مبين الها طموح ..

    علي .. امممم بداخلي يعني واصله كل يوم اكتشف شي جديد بفرح يبهرني ..

    رحاب .. گرصت حيدر .. ليش هيج تخجلها الرضاب المهم وصلت لو لا .. #شمس

    حيدر .. اطلعي منها انتي احنا متعودين اني ورضاب ع هيج شقه ..
    رحاب .. اي بس مو يم الغربه ..

    فرح .. اني اسمع كلامهم ومتعجبه هاي شبيها تحجي هيج احنا عدنا عيب نختلط بالولد حتى لو كان ابن عمي او ابن خالي ..
    رسل .. هههه انتي بس هاي السنه وتخلصين ونجي اني وفرح وراج ندوخه العلي ..
    عمي عصب .. كافي لهنا وكافي هاي كولكم تسمعون الغريب والقريب فرح وحده من هذا البيت ومرت علي سواء رضيتوا او لا والي يمسها بحجايه ميلوم الا نفسه .. والكلام موجه الك علي .. اليوم بيت عمامك وعماتك يجون يباركون .. 
    اطلع انت ومرتك اشتروا حلقات والبسوهن مااريد حجي زايد ..

    علي .. اتفاجأت من كلام ابويه .. بس بداخلي فرحت مااعرف ليش ..
    رسل .. واني وياكم #شمس
    فرح .. فرحت من عمي دافعلي بس من گال اطلعوا اشتروا. الحلقات تخربطت احوالي وگلت الرسل گولي حتطلعين ويانا .. خفت اطلع وياه وحدي .. 

    رضاب واني هم عندي غراض اشتريهن ..

    رسل البسي هذا الفستان البيج .. وفوگاه ستره جلد جوزي .. لبستهن وخلتلي كحل ولفتلي الشال مثلها .. 
    طلعت حلوه .. 

    رسل طلعت بقينا بس اني ورضاب ..
    رضاب .. انتي هي لاعبالج فرضتي نفسج ورخصتيها وابوج شمرج علي يحبج ويسويج مرته .. انسي لان اني وعلي نحب بعضنا وراح اثبتلج بس انتي اذا عندج كرامه ترجعين الاهلج .. #شمس

    فرح .. دمعت عيني من حجت هيج .. دخلت رسل هي طلعت ..
    رسل .. شبيج فروحه .. رضاب گلتلج شي ضوجتج .. گولي .. 
    فرح .. ماكو شي 
    رسل .. لا اكو شي .. بداعتي گولي ..
    فرح .. رسل صدوگ علي ورضاب واحد يحب الثاني ..
    يعني معقوله اني دخلت بينهم وفرقتهم ..
    رسل… 😂😂😂 انتي شدتحجين هاي تضحك عليج قصدها هي مخليه عينها ع علي وهو ممعبرها ..
    وهسا ميته حرگه لان تزوجج .. ليش اگلج البسي وعدلي واتقربي من علي .. هو زوجج وانتي احق وحده عليه .. علاوي اذا عرفج واتقربلج حيحبج صدگيني مثل مااحنه حبيناج .. 
    ديله گومي علي گام يعيط اتأخرنا ..
    البارت الثاني عشر 

    اخذنا علي بالسياره .. رادت تگعد رضاب بالمقدمه .. سحبتها رسل وگلتلها مرته تگعد يمه ..
    گعدت يم علي وايدي ترجف .. مااعرف شبيه ..

    علي .. انتبهت ع رضاب تحاول تغيض فرح .. وادري بيها تحبني من زمان بس اني مسوي نفسي ممنتبه .. لان هي مثل اختي ومو ببالي .. #شمس

    حتى اگطع املها .. گلت لازم اسوي نفسي مهتم بفرح ..
    اتباوعت الفرح اديها ترجف وهي ملاك وگاعد بصفي .. حتى من انمر من سيطره بودي اضمها ليش ماادري .

    شغلت الراديو .. طلعت اغنيه صدفه .. اليارا .. اتباوعت الفرح .. جامده من الخوف وايديها ترجف ضحكت ولزمت اديها . اشو هاي صارت قالب ثلج .. رضاب ضاجت گالت .. مو حلوه الاغنيه غيرها .. 
    علي .. اتباوعتلها من المرايه .. قابل هو ام بي ثري واغير بكيفي هذا راديو .. وعجبتني الاغنيه .. اووووف صدوگ صدفه ..
    رسل .. علاوي علاوي اموااااااح😘 بعد اخيتك .. 
    علي .. ههههه
    رضاب .. بداخلي 😡.. بسيطه علي 
    فرح .. حرام كلشي ماافتهمت من السوالف .. حسيت نفسي قالب ثلج .. وخاصه من لزم ايدي علي .. گلبي گام يرجف .. #شمس

    وصلنا للسوگ مال صواغ .. ركن السياره علي نزلنا صار احمد صديقه گبالنه .. راح علي يسلم عليه 
    رسل .. من شفته ذبت وهمست الفرح .. لج فرح بربج مو حلو ..
    فرح . منو علي 
    رسل .. لج ياعلي .. احمد صديقه ..
    فرح .. اي حلو .. هههه لج رسوله طلعتي داهيه 
    رسل .. يا ويني گاضيتها نضرات ماادري يحبني لو لا بس اكيد يخاف من علي غير يدفنه ..

    رضاب .. شتبسبسن .. متشاركنا
    رسل .. ماكو شي حبيبتي امشي گدامنا 
    احمد .. من شفت رسل وي علي وبنات وياهم .. 
    ماادري شصار بيه هي اتباوعلي وتسولف وي بنيه وياهه مااعرف منو بس حلوه خفت اسأل علي لايفهمني غلط ..
    اريد طريقه اوصل بيها الرسل ماكو ..
    علي خلصت من احمد .. واجيت لگيت رسل وفرح ايد بايد ويمشن سوه .. 
    ورضاب تمشي وحدها من شافتني .. اجت علاوي تعال خلي ندخل الهذا المحل وهذا حلو وهذا هيج دمرتني ..

    فرح .. رسل هاي شگد لزگه .. مبين الولد مايريدها وهي لازگه بي #شمس
    رسل 😮😮 لج ياولد هذا زوجج روحي تعاركي وياهه الزمي ايديه ادلعي عليه .. مو گاعده وتتفرجين .
    فرح .. يعني شأسوي ..
    اني اگلج .. روحي هسا للمحل واسحبي من ايديه واطلعي ..
    فرح .. لا ما اخاف يصيح عليه .. وبعدين اني استحي .. 
    رسل .. اهمداي 👐 لج اتحركي راح تموتيني ..
    دفعتها ووگفتها يم علي ..
    علي شفت رسل وكفت يمي .. او بالاحرى رسل دفعتها لان ادري بيها تخجل مو مثل بناتنه مصلفات ..
    حسيت ع ابو المحل يباوعلها وهي اتباوع ع الملابس والاكسسوارت .. ممنتبهه عليه .. ضجت .. جريتها من ايديها وطلعت من المحل وخلينا رضاب وحدها ..
    دخلنا للصايغ .. اختارينا حلقات .. وبعدين شفتهه عجبها تخم ناعم وحلو .. گالت الرسل حلو هذا برازيلي ..
    ههههههههه(إخًَْـُ بًًٌٍَُِطنٍَِّْيَِّ)ههههههههههه 
    ضحكتني بنت اللذين ..
    گلت للصايغ ينزله ويشوف سعره .. اشتريته الها وشفت الفرحه بعينها مثل فرحت طفل بملابس العيد .. بقيت اتباوع البرائتها .. ياربي معقوله بديت احبها .. صدگ الله الي يزرع بذره الحب بين كل اثنين متزوجين ..

    اخذته وفرحانه بي وعبالهه برازيلي مگلنالهه .. 
    دخلت رضاب ضايجه لان تركناهه .. #شمس
    ومن شافت التخم ضاجت اكثر ..
    خلصنا وطلعنا رجعنا للبيت .. واني انسان ثاني من تقربتلها تحرك شي بداخلي اتجاهه ..

    دخلنا للبيت تلگتنا امي فرحانه وشوفناهه الحلقات .. وفرح شوفتها التخم . وتگلها باعي عمه هذا ذهب برازيلي بس حلو ..
    امي باوعتلي .. غمزتلها. 
    اجت رحاب . اتباوع بالغراض واختها يمكن شكت الها 
    گلتلي .. شدعوه علي هيج ذاب روحك .. وامنت عندكم رضاب تاركيهه وحدها.. 
    علي .. رحاب الخاطر الله بطلن غيرة النسوان اني مالي خلگ اصعد الغرفتي ارتاح ..
    صعدت .. اتباوع للغرفه اول مره احسها بارده .. نمت ع السرير واتخيل فروحه .. هههه گمت ادلعها .. شسوت بيه بنت محسن ..
    مااتوقعتها هيج ممزوجه بالبرائه والجمال والفطاريه والذكاء .. بنيه مختلفه عن الكل .. #شمس

    نايم ع السرير وافكر بفرح .. واندگت الباب 
    علي .. تفضل 😮😮
    هاي فرح طفرت وكنت فاتح دگم القميص .
    شافتني نصت راسهه .. عمتي تگول الغدا جاهز ..
    علي .. اي جاي جاي .😥

    فرح .. ماادري شنو صار بيه من شفته هيج .. جسمي كوله يرجف .. حلو شكله عجبني .. وتذكرت كلام رسل اووووف يافرح شبيج ..

    للعصر .. اجو عمامهم وعماتهم وصارت هوسه .. رسل لبستني التخم والحلقه وفستان حلو .. وشال ..
    كلهم انعجبوا بيه ..
    علي .. من شفت عماتي وعمامي شلون تتباوعلها فرحت
    وابويه يسولف ع ذكائها وگال حتكمل والا اريد معدل عالي من بنياتي يحجي ع رسل وفرح .. #شمس

    تالي عمي گال .. ميصير هيج يبقون خلي نسويلهم حفله بيناتنا وياخذها علي للفندق وتصير رسمي عيب من الناس شتگول علينا .. 
    ابويه گال الجو هسا بارد مابقى شي للربيع ونزوجهم عمود نسويلهم حفله بالحديقه.. 
    علي .. ماادري من گالوا تصير رسمي فرحت .. مع انه بالبدايه ماردتها بس كلشي قسمه ونصيب .

    فرح .. من گالوا نتزوج ويسوون حفله.. ضجت لان اهلي ماكو يمي .. 
    رضاب راحت وي اهلها وارتاحيت بس بقت رحاب بالطالعه والنازله تجرحني وعلي تغيير وياي بهذي الفتره
    البارت 13
    مر شهر وعلي تغيير طبعه وياي وگام يطلب مني الي يريده غدا او عشا وحتى ملابسه ميقبل الا اني اغسلهم واكويهم .. عرفت شنو الحب ع ايده لان كنت مغمضه وهو فتح عيني صرت احسه كلش بحياتي .. 

    رغم انه علي يحاول يتقربلي بس اني استحي واصده ورسل تگلي خليه يركض وراج .. اشلعي گلبه 😂
    طبعا مااسولفلكم على عمو وعمتي .. حسسوني مثل اهلي واكثر .. #شمس

    بيوم اشتاقيت الاهلي وذكرتهم وابجي .. ثاني يوم گال عمو نروح كلنه للبستان هم نخبرهم ع الزواج وهم تشوفيهم فرحت حيل .. 
    ثاني يوم كان جمعه اخذنا عمي وعمتي وعلي واني بس .. #شمس
    رحنا اووووف من دخلت السلف مالتنا . فتحت الشباك ومديت راسي واشتم .. اووووف ياريحة هلي ..
    علي يضحك عليه .. يگلي هم اصدگ فد يوم يجي وادخل القريتكم بعد الي صار .. 😂😂
    ووگفنا بمكان الي دعمني بي 😂 ونضحك ..
    وصلنا وتلگاني ابويه وحضني فرحتي هاي شصايره ولاعرفتج .. 
    وامي حضنتني وتبجي .. واخواتي هم هناك .. كلهه منتضرتني .. #شمس
    عمتي حبتهم لان متواضعه وعلي وعمي راحوا للديوانيه گعدوا .. 
    اخواتي لزمني سولفيلنا .. وسولفتلهن وهن يندبن حظهن 😂 لو مدعومين مو احسن .. 
    وتخبلن ع لبسي واني اشتريتلهم هدايا اني وعلي طلعنا للمول واشترينا .. 
    فرحوا بيهن .. تذكرت مكينتي .. وشلون اخيط وامي گالت اخذيها وياج . ذكرى مني .. 
    عزمناهم ع الزواج .. بس امي تجي ماگدرن اخواتي يجن .. 
    تغدينا وخلصنا طلعنا للبستان اني وعلي .. انطيته دشداشه من بدر .. طلع حلو بيها😂
    واني لبست لبسي مال قبل دشداشه وعصابه ولفيت العبايه ع خصري .. #شمس
    من شافني علي ضحك ..
    گال اي عوزنا بس خرفان ونسرح بيهن 😂😂
    الجو حلو بدت اجواء الربيع .. والخضار والطبيعه حلوه ..اشتاقيت الديرتي والهوا النقي ..
    علي .. يعني متندمه لان عفتي القريه .. 
    فرح .. لا .. علي بس لاتنسى هذا المكان الي ربيت بي صدگني اذا بقيت هنا ماتگدر تتركها ..

    شوف شوف علي الله هذا النومي كبر .. واني صغيره اصعد ع الشجره واگطع .. 
    علي .. اي عادي تعاي اشيلج واصعدي ..
    فرح .. تحجي صدگ واذا وگعتني 
    علي .. افه عليج .. ماتثقين بيه ..
    الصراحه هو اني بس اريد اتلمس جسمها حارمتني منا كتلني خجلها .. #شمس

    رفعتها لفوگ وسويت نفسي عثرت وسحبتها وحضنتها وبقيت اتشقلب بيها ع الحشيش الى ان صرت فوگهه 

    انفاسهه تتسارع .. وعيونهه تباوعلي اتقربتلهه غمضت عيونهه ..بستها هاي جمدت جواي .. خررررب لعد بليله زواجنا شلون ..
    سحبت نفسي منها وبقيت نايم ع الحشيش وسحبتها ع ايدي ونباوع للسما والعصافير الجو كان شاعري صراحه .. 
    وهي مغمضه بعدهي ..
    علي .. ههههه لج فرح فتحي عفتج وربي بس اريدج هيج ع ايدي .. #شمس
    فرح .. يمه احساس ماينوصف . جمدت من باسني هيج يسوي البوس .. التفتت عليه وگتله بس لا راح احبل 
    علي .. من گالت هيح .. گمت ع حيلي وبس اضحك😂😂😂 اشتعلوا اهلج فرح 

    فرح .. لاتغلط على اهلي ☹️
    علي .. اتقربت عليها .. وطالعه خصله من شعرها .. اوووف هذا الشعر دمرني واتلمس بي . هي خجلت ونصت راسهه . #شمس
    رفعت حنكها بأصبعي . باعي حبيبتي .. ماكو من نتزوج بليله زواجنا اعلمج شلون المره تحمل ترى البوس والمس عادي مايأثرن 
    وبستها براسهه .. لج هم اكو بفطاريتج .. الله يحبني لان خله محسن يجبرني اعقد عليج .. #شمس

    گضيت يوم وي فرح كلش حلو وكنت محتاج هيج يوم اقضيه وياهه وتعرفني اكثر ..
    فرح .. يابويه .. مااوصفلكم شگد احبه .. وحضنه حلو ودافي من نمت حسيت نفسي طفله بحظن ابوها .. 
    خلص اليوم .. ورجعنا البغداد وامي راحت وياي عمود تجهيز العرس .. وكل بنيه تريد امها وياهه .. #شمس

    رسل .. من راحت فروحه ضجت گلت ويامن اسولف احسن شي خلي افتح فيس اتسلى .. 
    من فتحته اجتني رساله ..
    مرحبا 
    ممكن احجي وياج .. لاتعتبريه شي غير لائق .. ومااريد علي يعرف لان هو صاحبي واخوي ومو هين عليه ..
    بس بعد مااكدر اكتم مشاعري اكثر ونيتي جاده ..بس انطيني مجال.. احمد 
    #شمس
    قرأت الرساله ثلاث مرات وممصدگه .. اتباوعت الصورته .. اي هذا احمد .. گمت اگمز . اي وربي احمد
    هلا هلا 💃💃 💃
    دخلت رحاب .. اشو فرحانه متفرحينه وياج .
    هههه ليش هو اكو غير فرحه علي وفروحه ..
    رحاب 😡😡 لتخافين اجو بالطريق وجايبن وياهم امها عساس البيت مكفينه وترسوه بالمعدان ..
    دخلت رفل وسمعتها ..
    رفل .. عيب هذا الحجي ..
    رحاب .. لج انتي هذا طولج وتعلميني العيب خلي يجي اخوج #شمس
    رسل .. لا صدگ رحاب ماجنتي هيج .. اشو من اجت فرح تغيرتي ..
    رحاب .. عشتوا ع شنو تغيرت ..وطلعت 
    رسل .. يابه دروحي .. خلوني بالحب مالتي شنو ارد عليه هسا غير تجي فروحه واحجي وياهه .. 
    احمد .. بعد مااتحمل لازم اصارحها بقيت ادور بأصدقاء علي لگيت كاتبه بالانكليزي اسمها .. ومعلقه ع علي وكاتبتله اخويه الورده .. عرفتها هي ..
    اتجرأت و خلتلها خاص وراسلتها .. والصراحه بگلبي خايف لاتطلع ماتحبني وتگول الاخوها واخسر علي وميثق بيه ..
    البارت الرابع عشر

    وصلنا المغرب للبيت ..وامي حبيبتي وياي .. اشتاقيت الها هواي .. البنات رحبوا بينا بس رحاب تسلم من ورى خشمها .. #شمس
    تعشينا وخلصنا .. وفرشنا اني وماما بالاستقبال .. وعلي كل ساع داگ الباب .. اشو رجع من السلف متخبل عليه مااعرف شبي ..
    بعدين اجت رسوله يمي .. بعد ما امي نامت تعبانه خطيه .. 
    رسل .. لج فروحه راح اموت اذا مااسولف .. 
    فرح .. من اجيت لاحظت ع وجهج اكو شي ..
    رسل .. تعرفين احمد صديق علي ..
    فرح .. اي هذا الي شفناه بالسوگ
    رسل .. اي هو 
    البارحه راسلني يحبني ويگول نيتي جاده بس اريد احجي وياج .. #شمس
    شتگولين اراسله لو لا ..
    فرح .. والله مااعرف شاكلج رسوله .. لان اني هاي الشغلات هسا يله بديت احسها .. بس الي اعرفه اذا دگ الگلب الشخص ماتگدرين تقاومين وتحسين نفسج بعالم ثاني .. 
    رسل .. لج عيني فرح هاي المشاعر كولهه وتگولين مااعرف هنياله علاوي .
    شوفي راح اتجرأ هسا واراسله ومن اخلص تسولفيلي شسويتوا هناك ورجعتي فرح ثاني لج حتى علي الفرحه ماليه وجهه.. #شمس
    فرح .. ديله راسلي قبل لينام. 
    رسل .. متردده اراسل او لا تالي تجرأت وكتبت 
    مرحبا ..
    بقيت منتضره بالربع ساعه .. وفرح تضحك عليه تگلي مو گتلج نام ..
    تالي رد.. 
    هلو رسوله ..
    اني 😮😮 رسوله
    فرح .. هلا هلا بدايتها دلع 
    رسل .. بقيت ساكته 
    احمد .. وين رحتي مو گلبي اشتعل 
    رسل .. هههه هنا مرحت 
    احمد .. شلونج ..
    رسل .. تمام 
    احمد .. رسل اني احبج 
    رسل ..😌😌
    احمد .. فديت الخجلان 
    رسل .. احمد انت گلت نيتي جاده يله وافقت احجي وياك .. لان بحياتي ماعشت هيج شعور فلا تصدمني ارجوك 
    احمد .. اوووووويلي يابه .. يعني اعتبر هذا اعتراف بحبج الي . #شمس
    رسل .. هههه
    احمد .. وداعتج رسوله لاخليج اسعد انسانه .. ومايفصلني عنج الا الموت .. لج اني حاط عيني عليج من حفلة التخرج وماصدگت .. هسا دا احجي وياج وترديني اعوفج وربي مااعوفج . 
    رسل .. ههههه
    احمد .. راح تگضيها بس ضحك يمعوده مو شلعتي الگلبي ..
    ممكن اتصل عليج .. اريد اسمع صوتج .. 
    رسل .. اوك لحظه وارجعلك خبر لان الكل نايم وخايف يگعدون .. #شمس
    فرح .. ها شيگول 
    رسل .. يريد يتصل 
    فرح .. لعد روحي بالغرفه هناك رفل نايمه ولو تدگين طبول متگعد .. اختلي جوه البطانيه واتصلي 😉..
    رسل .. ههههه اوك .. بس مو عبالج فلتي .. باجر تسولفيلي كولشي
    فرح .. ماشي هههه . بس روحي الولد منتضر خطيه ..
    رسل .. رجعت الغرفتنا .. واتصلت بأحمد وبقينا نسولف للصبح همزين باجر سبت .. اووووف شگد رومانسي ..
    اني طبعا محجيت من الخجل هو الي يسولف واني اضحك .. #شمس

    ثاني يوم گعدنا من الصبح .. الجو حلو بدا يدفى يعني مو بارد كولش .. لبست گلبيه بهاري يعني لاشتويه ولاصيفيه .. اشترتلياهه عمتي . وبيهه فتحات من جوه وبيهه شغل .. كان حيدر طالع فنزعت الحجاب ومنزله شعري ولابسه طوق .. 
    واني اريد اصحي رسل من النوم .. حسيت بعلي نزل .. التفتت وابتسمت اله .. #شمس
    هو يبتسم واشو گام يقرالي شعر ..

    #طويله ويا محلى طولج😍
    #شعرج واصل حجولج🌿
    #
    أم عيون حراگات😌
    #ي لخدج گمر ضاوي😉 
    احبج فروحتي 
    ونطاني بوسه هوائيه .. خجلت حيل وبعدين عمي صار گبالي خجلت بالزايد ..
    عمي .. ههههه لك صاير شاعر علاوي .. تعالي عمو لتخجلين علي زوجج ومابقى كم يوم وتجمعكم غرفه وحده تونسو وضحكوا ربي يسعدكم ..

    اني ضحكت وركضت الغرفه البنات .. اوووف ياعلي شسويت بيه .. #شمس

    صحيت رسوله ورفل .. بالگوه گعدن ..
    رسل .. حبابه فروحه خليني انام للصبح منايمه ..
    فرح .. ههههه يمه الحب يمه .. دگومي عمتي تريدج
    رسل .. اي روحي واجي وراج ..

    تريگنا وخلصنا ريوگ .. طبعا رحاب متريگت تلعب نفسها من امي . گالت اكول وي البنات ..
    امي حست عليها .. بس خطيه سكتت مجت وعمي وعمتي انحرجوا .. 
    گال عمو.. علي اخذ فروحه وامك وام بدر ورحوا اختار الغرفه واحتياجاتكم خلصوها .. اني اتفقت وي العمال يطلعون باجر يغيرون ديكور الغرفه .. #شمس
    عمتي .. فروحه حبيبتي اتركي المواعين البنات يكملون الباقي روحي جهزي نفسج ..

    رحت گعدت رسوله لسا ماصحت .. گلتلها حروح للسوگ شنو البس ..
    حبيبتي رغم مانعسانه .. طفرت عمودي .. لبستني كيلوت ابيض وحذاء وردي فلات ماالبس عالي .. وقميص ابيض وستره فوكاه وردي وشال بي ابيض ووردي ..
    طلعت اخبل ..
    لبست وخلصت وطلعت اشوف ماما .. اول مشافتني ..
    اللهم صل ع محمد وال محمد . يمه فروحه اتخبلين عبالك وحده من ذني بالتلفزيون .. 
    فرح . هههههه طبعا حلوه اذا شايله جمال امي شلون مااطلع حلوه .. وحضنتها وبوستها وجودها يمي فرحني .. #شمس
    لان البنيه بهيج ايام تحتاج الامها بنصائحها بحنانها بكولشي ..
    شويه وسمعت علي يعيط .. فرح فرح تعالي بسرعه 
    اجيت اتباوعتله .. نعم علي 
    لگيته بالفانيلا .. گمت اتئتئ بالحجي .. فهيت
    علي .. اشو القمصان كولها ممكويه .. شلون اطلع هسا 
    فرح .. استغربت .. اني متأكده كاويتهم ..
    صعدت للغرفه حتى اشوفهم ..
    واول مادخلت للغرفه دخل ورايه وقفل الباب 
    البارت الخامس عشر 

    اتفاجأت من قفل الباب التفتت اله .. علي ليش قفلت الباب ..
    بدا يتقرب بخطواته الي واني ارجع لورى ..
    علي حباب لتجي .. واتباوع الصدره واحس نفسي جمدت 
    علي حباب تدري بيه مااتحمل. .

    علي .. لج اشتعلوا اهلج فرح . شطالعه راح تموتيني والصبح تفترين يمي بگلبيتج ام الفتحات ومطلعه رجليج الجبن .. وحاله شعرج . خبلتيني بالگوه تريگت . 
    لج اني الي گلت محد تهزني .. خليتيني مثل الطفل الي ميگدر يعوف امه .. #شمس

    فرح .. هههه يعني اني امك .. حباب خليني اطلع 
    اشو هذا دفعني ع السرير وبقى يتلمس جسمي واني مغمضه وجامده مااريد اتباوعله لان انتهي هو اني هيج وميته 
    وعرفت ماكو مهرب من علي .. شسوي ياربي اعيط مااگدر هو مخلي شفايفه ع شفايفي ومسيطر عليه مااگدر اتحرك ..
    تالي تكسرت الباب .. هو سحب نفسه واني ركضت للباب فتحتها شفتها رسوله .. 
    يله الكل منتضركم .. هسا ماتصبرون كم يوم حبكت هسا وكت الطلعه . 
    علي .. دروحي منا لا افلشه الوجهج👊 وكتها تجين ..

    حضنتها الرسوله .. لج نقذتيني من اخوج شويه وجان ميته جواه ..
    رسل .. هههه حلوه هاي جواه #شمس

    علي .. اوووف والله بعد مااتحمل غير يزوجونا ويفضوها
    طلعنا للسوگ واختارينا غرفه تركي ضخمه كولش وحلوه ..
    واختارينا تيبلام بلونهه وتحفيات وفرشات واشياء هوايه ومرينا ع محل احمد .. 
    اشترينا من عنده كهربائيات .. ثلاجه وبلازمه وسبلت ..
    خلصنا شغلنا ورجعنا تعبانين ..
    فرح .. علاوي اشترالي اشياء كولش حلوه .. احساس حلو البنيه تجهز نفسها وغرفتها .. واخيرا حتصير عندي غرفه خاصه بيه اني وحبيبي علاوي ..
    فديته 😍 شگد كنت اخاف من عيونه هسا احسه احن انسان بالنسبه الي ..

    التهينا هذا الاسبوع بالبيت طلعوا العمال رتبوا الغرفه مالتنا وسوو سقف ثانوي وديكورات حلوه ..
    واني وي البنات اساعدهم لان رحاب راحت الاهلها. مريضه وحيدر ماهو بتركيا يجيب بضاعه ووعدني بدله الزواج يجيبها الي من تركيا .. #شمس

    خلص الاسبوع بالشغل .. وعلاوي هم ويانه يشتغل ويتغزل ويبوس .. اگله عيب منا امي وامك .. 
    يروح يگللهن .. تستحي منج روحن اگعدن بالاستقبال اريد اخذ راحتي وي مرتي .. شايفين هيح .😂

    اجت غرفه الاخشاب .. ونصبوها بالغرفه وفرشناهه وخلو الاجهزه هم طلعت تخبل ..
    عبالك غرفه اميرات ..
    رسوله تباوعلها وتگول يوم الي. طبعا هي تشتغل شويه وتروح تحجي وي احمد شويه ..
    ماگلتلكم احمد ومنتضر اجو ساعدوا علاوي بالغرفه ونصب الاجهزه .. 
    ورسل كل ساعه تگلي .. صيحي علي وتروح هي بحجه تاخذلهم مي لو عصير وتحجي وي احمد لان منتضر يعرف بعلاقتهم .. #شمس
    خلصنا كولشي وبقت الملابس .. وصلنا علي للمجمع وراح ..
    عمتي ورسل اختارولي ملابس نوم كولها مشلحات .. بله شلون حلبسهم استحي .. 
    وملابس داخليه واتراكات صيفيه وفساتين واحذيه وجنط ومكياجات .. #شمس
    وطلعنا رحاب ويانا لان گلت عيب الخاطر حيدر زين وياي وحباب ومشتريلي هوايه اشيااء من تركيا من غير مااكله 
    بس هي بس تأفأف وكافي مشايفين هو السوگ طاير عود من تحتاج شي تشتريه .. وساعه تگول تعبت 
    حتى امي .. گالت الله يساعدج عليها .. گولتلها لا يوم هي حبابه بس خاف صدگ تعبت ..

    اجه حيدر من تركيا .. وجابلي بدله مال اميرات تخبل وبيها ردان وكوله شغل لان اني ماردتها مشلحه استحي والزواج حيصير بالقاعه ومختلط ..
    وحذاء وتاج وكل شغلاتها حلوه كولش .. رحاب .. لعد ماجبتلي هيج بزواجنا .
    حيدر .. لج حبيبتي مانسيتج .جبتلج فستان احلى من بدله العروسه ويغمزلي😉 
    وصدوگ حلو فستانهه .. حيدر انسان رائع ويحبها بس اكيد مرته وتحب تدلل عليه ..
    احمد ربي الي نطاني هيج عائله تحبني وتخاف عليه واني الي لمت ابويه لان شمرني وجبرني ..
    خلصنا تجهيز ورتبت ملابس بالغرفه وملابس علاوي هم اشترينا اله .. والاخ كل يوم يتفحصهن ويگلي هذا الثوب حلو وهذا تلبسيه وهذا هيج ميجوز من سوالفه علاوي 

    بعد ماخلصنا كولشي رحنا عقدنا محكمه .. وراد علي يغير الحاظر والغايب ويخلي بمكانهن فلوس بس اني ماقبلت ..
    واجه يوم الحنه .. طبعا سويناه بالقاعه رحت للصالون .. سويت وجهي وعدلت حواجبي وماصبغت شعري لان هو اشقر .. 
    ام الصالون بقت هيج 😲 من شافته .. ورسل تگلهه صلي ع النبي شبيج فكيتي حلگج .. 
    سوتلي تسريحه نازله وحلوه .. ولبست فستان صحراوي وبي ذهبي كولش حلو .. #شمس

    حفله الحنه كولش حلوه ولبست خمس بدلات وحده احلى من الخ والناس كولها تباوعلي .. وهاي الي تگول لعابه ..
    وهاي تلي تگول منين جايبيه تخبل .. رضاب تگولهم من الريف جايبيهه من ورى الغنم .. 
    ضجت بالبدايه .. بس بعدين عادي ماكو واحد ينكر اصله ومو عيب جايه من وره الغنم من وره الخرفان .. الي الفخر اني بنتهم لان ربوني وتعبوا عليه ..
    وعمتي وامي بس يقرن المعوذات وينفخن ..
    رسوله ردحت ردح لان ام احمد تباوعلها ههههه يمكن احمد مسولفلها عليها .. لان كل ساعه صايحتها وتسولف وياهه ودور گوموني ارگص واني مااعرف بس افتر 😂

    ورضاب كل ساعه ودافعتني اخر شي گعدت لان لابسه عالي ولاتروح هاي توگعني وتكسرني ويخرب عرسي ..

    خلصت الحنه .. ورجعنا البيت عمهم رافد ابو رضاب ورحاب .. 
    لان گالوا ميصير تبقين وي العريس ببيت واحد .. وعلاوي تخبل يعني اليوم مااشوفج اموت .. 
    لج تعالي باجر وشوفي اشسوي بيج اطلع القهر كوله هههه 
    من التعب نمنا كولنا من وكت وامي الليل كوله گاعده تخاف شو شيسولي لان حست عليهن مو راحه ..
    البارت السادس عشر 
    گعدنا الصبح سبحت وطلعت ولگيت رضاب واكفه يله ندري عروس بس هم گولي احنا نريد نسبح .. 
    وهمه عندهم حمامين .. امها ماقبلت عليها حبابه المره .. بس رحاب ورضاب .. 
    يافتاح وبدا الحجي وحده تصد ووحده ترد وبس اني وامي .. ماكو وحده من البنات تحجي لان رسل ورفل بقن يم عمتي بالبيت .. بس بنات عمهم حبابات باتن يمنا وضحك وسوالف ..

    رضاب خبلتني تگلي خطافه الزلم .. وماتتهنين بي ان شاء الله .. دخلت امي هي سكتت ..
    گلتلها ياله يوم راح يجي حيدر ورسل ياخذوني للصالون وانتي روحي يم بيت عمو هناك ..

    .. لميت غراضي واجت رسوله . وحيدر ورحاب گعدت بالمقدمه ترجع البيت عمو ..
    نزلنا اني ورسوله يم المركز التجميلي هم هيج يسموه اني اگول صالون ..
    ورسوله جايبه البدله وملحقاتهه وكولشي .. 
    رفعت شعري كوله لان مختلط وعلي ماقبل البس حجاب بس طلبت من ام الصالون تحاول تغطيه بالغشاوه وخلتلي تاج والبدله تخبل .. فديته الحدوري نعم الاخو ..
    طلعت اخبل بدون مبالغه .. حتى رسوله تخبلت من خلصت .. 
    وهي هم طالعه حلوه وعدلت حواجبها وخلت مكياج خفيف ولفت الشال ولابسه فستان يخبل كله الحمدي لان راح يجي .. وكل ساعه تگلي اني حلوه ..😂
    ورسوله الخبيثه اخذتلي صوره من غير ماادري .. ودازتها العلي بسرعه اتصل علي ..
    لج هاي شطالعه شيصبرني لليل ياربي .. ويتغزل ويشعر ..
    خبلني واني بس اضحك .. يگلي اشبعي ضحك لان بالليل حتبجين .. واني مفهمت شي گوتله ليش ابجي ..
    علي .. لابربج متعرفين ..
    فرح .. والله مااعرف دگول ليش ابجي بالليل ..
    علي .. لج اسكتي فضحتينا .. ياربي اني اخذت بزونه مغمضه كولشي متعرف احمدك ياالهي .. 
    خلص حبيبي وليهمج .. اني اعلمج ..

    غلقت الموبايل ورحت الرسل .. رسل عود شيصير بالليل وليش حبجي ..
    رسل... ههههههههه(إخًَْـُ بًًٌٍَُِطنٍَِّْيَِّ)ههههههههههه 
    لعد امج مگالتلج شي .. ليش اكو وحده بهذا الزمن متعرف شگد فطيره ..
    فرح .. لا مگالت شي بس گلتلي اسمعي كلام زوجج وانطيه نفسج ولاتشلعين گلبه ..
    رسل .. هاهي مثل مگالت الوالده .. بالمختصر المفيد 
    فرح .. اي يعني شنو ..
    رسل .. يله حيدر يرمش معناهه واگف بالباب .. امشي وبالليل علاوي يعلمج ..😂
    طلعنا واخذنا حيدر للقاعه لگينا الناس هوسه اني دخلت وگعدت بغرفه الانتضار ارتاح .. وامي اجت يمي وعمتي واشتغلت المعوذات ..هههههه

    اجه عمي بوسني من راسي وگال يوجه الخير صدگ من گال ابوج انطيتكم كنز .. من اجيتينا لسا المحلات ماشاء الله .. 
    علي دخل وراه .. گاله وجهه خير عليه من اول يوم . من شغله الجامعه گضت بسرعه.. 
    وباسني هم براسي وگال هنيالي عليج .. 

    عمي .. يله استعجلوا الناس منتضره اتحضروا بس تسمعون الموسيقى تدخلون ..

    لزم ايدي علي ويبوس .. بيهن يگلي يربي اليوم الناس كلهه تحسدني ع الگمر الي وياي ..

    دخلنا للقاعه وكانوا مشغلين اغنيه .. ملحم زين ( عرس الغوالي)
    تخبل الاغنيه وبيها دبكه .. وعلاوي اول مادخل يرگص ويرگصني عليها .. واني مااعرف استحيت . تالي اجو اصدقائه يرگصون وياه .. هو وصلني للكوشه ورجع يدبك وياهم .. 
    منضر حلو .. اتباوعله واگول سبحان المغير الاحوال علاوي اول ماعقدنا .. كنت ماطايقني وهسا الفرحه والحب مبينات بعيونك .. الحمد لله 
    تالي گومونا نرگص اغنيه هادئه .. وهو حاظني والناس كلهه تباوعلنا ميته خجل ..

    وجابوا الكيكه وگصيناهه واحد اكل اللاخ .. 
    وبعدين شغلو اغنيه .. وگامت كولهه تركص واني وعلاوي بنص .. بالگوه ارگص بس سويت نفسي مغمضه عن الناس وبس علي گبالي ونرگص .. 

    كانت حفله وليله كولش حلوه حسيت نفسي اميره ..
    ورسوله واحمد نسوا نفسهم يرگصون ونضراتهم فاضحتهم .. بينما علي خطيه هلك من گد الرگص وحيدر وعمو هم .. 
    اوووووف ليله متتعوض .. واخذلنا المصور صور بلقطات حلوه وصور عائليه .. 
    وصوره هاي عجبتني اني وعلي گاعدين وعمو وعمتي ورسل ورفل حولنا بس رحاب تحججت مابيها حيل ومااجت .. 

    تالي جابوا العشا للمعازيم .. وبعد ماتعشوا وخلصوا زفونا للفندق والسيارات ورانا .. علي هو الي يسوق واني بالمقدمه يمه .. وايد يسوق بيها وايد لازم اديه وكل ساعه يبوس بيها .. هذا الحجي هو نازع الستره والرباط .. من گد مارگص .. 
    وصلنا للفندق .. ورجعوا البقيه .. گتله علاوي اي همزين وصلنا ميته تعب بس اريد اسبح وانام ..

    علي 😂😂 تحجين صدوگ شنو تنامين لج اني منتضر هذي اللحظه من زمان .. وانتي تنامين 
    فرح .. ياللحظه ..
    علي .. تعالي حبيبتي .. راح انزعج البدله وترحين تسبحين وتصحصحين واني اگولج يالحظه ..
    اشو هذا فتح البدله وشهگ خررررب شنو هذا گيمر ويبوس بضهري ..
    وتگلي تعبانه واريد انام .. لج حتى السبح عوفيه وتعالي يمي .. نزعت البدله واني مستحيه .. وفل التسريحه نزل شعري كله ويشم بي وتالي نيمني ع السرير اني احس جسمي خدر وذبت بين ايديه وماحسيت ع شي الا ذيج... .... ذايبه ودموعي تنزل من الالم .. وهسا عرفت شيقصدن ماما ورسل .. عشت لحظه حلوه وغريبه ممزوجه بالراحه والالم شعور ماينوصف ..
    تالي خلصنا وبوسني بگصتي وگالي مبروك حبيبتي ..
    واني لسا منتهيه ومااگدر اگوم خربت بين ايديه احس جسمي راخي ومااگدر اگوم .. 
    شالني للحمام وفتح مي دافي بالبانيو وخلاني وسبحني بأديه الى ان صرت احسن وعيت ع روحي كلشي ملابسه استحيت .. وگتلنه انطيني المنشف واطلع ..
    علي .. هههههه هسا يله وعيتي خوفتيني عليج .. خليت المنشفه عليها وطلعتها .. ودخلت اسبح .. كملت وطلعت لگيتها لابسه سيت يخبل وشعرها رطب وع طول المخده .. اجيت حصنتها ونمت ع شعرها واشم بي نوم 💤 منايمه قبل .. هيج النوم يم ملاك مثل فروحه غير شي
    البارت السابع عشر 
    سا جلس الى جانبك في دجى الليل

    سأ سامرك مع نجوم الليل وعلى طلعة القمر

    وسوف أ نظم شعرا من دمعي أشكو حر الجوى

    وهداء البحر و سكنت الامواج وتقاربت النجوم

    الى البحر ساطعه مستغربه صمت البحر وسكونه

    و أذا القمر توسط قلب السماء واضفى على البحر

    انوارة المدججه بروائع الرومانسيه والجمال 

    نمنا ماحسينا ع روحنا الا ابويه يتصل .. 
    لك علي وين صرتوا الساعه 10. هسا والناس منتضره ..
    علي .. اي يابه جايين .. 
    اتباوعت الحبيبتي .. نايمه شلون الطفل .. گولتلها .. فروحه اليوم شعجب للعشره باقيه مو متعود ع المنبه مالتج من الصبح .. فتحت عيونها .. وابتسمت ..
    صدگ هسا بالعشره ..
    اتباوعتلها وابتسم واديه تلعب بشعرها وبأصبعي امرر ع وجهه وشفايفها ..
    ( مااجمل ان ابدا صباحي وانا الى جانبكي 
    بين يديك 
    بين حظنكي الدافي
    تلك هية اجمل لحظة سعادة لنا ) #شمس

    فرح .. امممم صاير شاعر حبيبي ..
    علي .. هو الي يشوف هيج جمال .. شلون ميصير شاعر 
    فرح .. يله علاوي عيب هسا الناس كلهه تنتضرنا ..
    علي .. اي والله ابويه خبصني .
    فرح .. تدري شنو هسا امنيتي 
    علي .. گولي حبيبي شنو
    فرح .. امنيتي هسا ازور الامام الكاظم .. صارهوايه مزايرته .. 
    علي .. صار حبيبي بس يمر كم يوم .. اخذج ونشبع زياره لحضرته الطاهره .. #شمس
    فرح .. ان شاء الله 
    بدلت فستان وسويت شعري ولبست شال وخليت مكياج خفيف .. ولمينه غراضنا وقبل لنطلع ..
    گلي علي .. فروحه شلونهه ليلة البارحه ..
    فرح .. يووووه علي لتخجلني 
    علي .. هههههه. فديت اليخجل انطيني بوسه قبل لنطلع ..
    وصلنا للبيت ذبحوا جوايه طلي وهلاهل ورگص .. والناس تباركلنا .. كان يوم رغم مامتعب بس حلو .. وماما سألتني .. گولتهه الحمد لله خلصنا .. هالمره فهمت قصدها😉
    ورسوله هم حصرتني الا تسولفين متستحي😮

    خلصوا غدا وصعدنا اني وعلاوي بس مسوالي شي بس يحظن ويبوس وكاتل روحه ع شعري الا يفرشه ع المخده ياله ينام .. #شمس

    نمنا وگعدنا العصر بدلنا ونزلنا لان ناس تروح وترجع بقينا ع هذي الحاله اسبوع ..
    بعد الاسبوع راحت ماما البيتنا رجعها حيدر بوستها وابجي لان تعودت عليها بس مناك اخواني وبابا خطيه وحدهم ..

    ورحنا اني وعلي للامام الكاظم .. اووووف ياريحة الامام تخبل عبالك داخل للجنه ريحتهم مميزه وحلوه .
    دخلت اني من جهة النساء وعلي راح من جهة الرجال .. واتفقنا بهذا المكان نلتقي من نطلع ..
    دخلت هوسه .. وردت اصول للشباك .. بالگوه وصلت لزمته وطلبت منه يتمملي سعادتي وي علي ويحفضليا وطلبت من ربي بحق الامام الكاظم عندك تترسلي البيت اولاد من علي ونصير عائله كبيره... 
    خلصت ردت اطلع مااگدر .. بالگوه طلعت العبايه بجهه والحجاب اعوج .. خرررب عليه ضحك علي من شافني گال .. هاي شمسويات بيج .. ههههههه
    بقينا بالصحن بره قرينا الزياره وصلينا وطلعنا .. افترينا بسوگ الكاظم .. واني ممحتاجه شي بس اصر علي يشترلي ويركض ع ملابس النوم .. ممصدگ 😂

    تالي دخلنا للمطعم اتغدينا وطلعنا ومناك اخذني للزوراء تونسنا ولعبنا .. كان يوم حلو ومميز .. وبعدين رجعنا المغرب للبيت ..

    اشترينا هدايا للبيت كوله وشفت گلبيه حلوه الرحاب جبتها .. انطيتهيا .. اشو رجعتها عليه .. من غير متشوفهه . #شمس
    شكرا مااريد ذوقج ماينسبني .. اني وين وانتي وين ..

    ضجت بداخلي بي مابينت .. 
    علي شافها هيج سوت .. گالهه. رحاب ترى فرح صارت زوجتي رسمي اذا كنت اسكت قبل هسا مااسكت ..

    اشو هي گامت تعيط .. وگالت هي البقت ترزل مرت اخوك وبنت عمك الكبيره عمود وحده معيديه مامعروف اصلها ..
    علي تخبل گام يعيط،عليها دخل حيدر سمع علي يعيط ع مرته .. تعاركوا واجه عمي رزلهم اثنينهم . 
    گمت ابجي واجر بعلي .. لان هاي اول مره يتعاركون .. خوتهم حلوه ..
    ورحاب تعيط وتگلي خليتي الاخوه يتعاركون ارتاحي .. رسل .. گلتلهه بسببج تعاركوا مو بسبب فرح ..
    عموا گال شنو الي صار .. 
    رسل وعمتي گلتلهم ع كل الي صار .. 
    حيدر استحى وصعد .. ورحاب نكرت وتگول طبعا هنه صنف واحد .. #شمس
    تالي عاط بيهه حيدر وصعدت وبدا عياطهم فوگ .. 
    اني بدلت ونزلت وراضاني علي گللي لتهتميلها .. اني واهلي نحبج .. گوتله هسا تروح منا توگع ع حيدر مااريد اشوفكم تتعاركون .. 
    وبعد مااريدك تدافعلي .. خليها تحجي تعودت عليها ..
    باسني براسه وگلي .. كون الله ينطي عقل للبنات كلهن مثل عقلج ..
    نزلت سوينا عشا وكملته وي البنات وسوالف وضحك .. وراح علي راضه حيدر ونزله للعشا بس رحاب مرضت تنزل بس عزلنا عشاهه خاف تنزل بالليل جوعانه ..
    كملنا العشا وغسلت المواعين وصعدت لفوگ لبست ثوب قصير ماروني واني بيضه وبي فتحه من الصدر .. من شافني علي متحمل . اني الي جبتها الروحي 😂😂

    مر شهر ع زواجنا .. والبنات بدت امتحاناتهم واني شلت الشغل عنهم خليتهم بس يدرسون .. ورحاب متحاجيني وكلامهه مستمر عليه .. 
    والي مضوجني تغار ع حيدر مني لان صيف وحاره والبس تراكات ربع ردن او نص تگلي تغرين بزوجي تطلعيله زنودج وانتي بيضه واني والله هاي الملابس البسها بس من حيدر بالمحل اذا اجه البس گلبيه لو دشداشه ..
    البارت الثامن عشر 
    خلصت امتحانات البنات واثنينهم نجحوا .. رفل نحجت للثالث ورسل نجحت للسادس .. وصار لازم نبدي دورات اني وياهم لان حقدم خارجي وامتحن سادس ..
    يعني السنه الجايه كولنا بكلوريا ..

    بس قبل الدراسه والدورات .. اخذنا عمو سفره الاربيل وللمصايف .. تونسنا واني وعلاوي تركناهم ورحنا وحدنا لان هم يتعبون احنا بعدنا عرسان😉

    وركبنا بايسكلات ونتسابق ههههه تصدگون سبقته العلاوي ..
    وعلاوي صفن العالم علينا كل ساعه خاتل بيه بمكان عبالك حبيبته مو زوجته ..
    واني اتغيرت مو ذيج فرحه الي متعرف تلبس او تحجي او تكسب زوجها ..

    لا وبتدريس من رسل ههههه صرت انسانه واثقه وگمت اتغزل بعلاوي وهو ممصدگ يگلي بيج شي خاف مريضه لو شاربه شي ..
    هناك كل ساعه يريد يتعارك وي واحد والزمه .. لان يتباوعولي 😂
    خلصت اجازتنا ورجعنا .. وبدينا بالدراسه والدورات ياخذنا علي ويجيبنا بس ماخليت. دراستي تأثر ع شغلي واهتمامي بعلي .. رغم ما عمتي متقبل . بس هي خطيه شنو ذنبها تشيل الشغل عنا ..
    وحتى اخلص من كلام. رحاب لان تبقى تحجي اذا مااشتغل .. 
    حتى علي من يجي اعوف دراستي واگعد يمه ابد محسسته اني مشغوله عنه .. #شمس

    اني كنت ذكيه يعني بسرعه افتهم الماده حتى رسل كنت اعيد شرح الاشياء الي مفاهمتها الها .. 

    بهذي الفتره مقررين احنه منسوي طفل الى ان اخلص سادس ..
    رحاب كل يوم تگولي .. اشو لسا ماكو حمل .. اخاف اخذنا اخوه عقيمين وماندري ..
    لان هي مصار عندها لسا .. #شمس
    صدگ ضجت مااسمح اتقلل من شأن زوجي ورجولته .. رغم هي حتى ع رجلها اتهمته بالعقم ..

    فقررت مااخذ احتياطي واحمل حتى اثبتلها انه زوجي مو عاقر .. 
    خلصت العطله وبدت الدوامات واني بقيت اروح للدوره وارجع .. 
    ويمتحنونه بالمعهد ودرجاتي عاليه حتى الاساتذه يمدحون بيه .. #شمس
    اقل درجه اخذتها 90 بالانگليزي .. تالي گلت العلي يدرسني .. لان هو شاطر وذكي وافهم عليه 
    بس طلب من كروه ع كل حصه ..😂😂 ميفوتله فايته فديته 😘😘
    وصدوگ تحسن مستواي .. وعمي تخبل گال معقوله انتي مو بالمدرسه وهيج درجاتج ..
    وگمت ادرس رسوله وزينه گام تفهم عليه .وتحسن مستواهه وبيوم .. #شمس
    گاعدين واندگت الباب واجو خطابه الرسل ..

    ناس ماشاء الله .. ولد بالمعهد ويانا شافهه وانعجب بيها .. عمي شبه اقتنع .. 
    رسل اتصلت ع احمد وتبجي .. احمد من سمع تخبل ..

    احمد .. من گلتلي رسل اجو ناس يخطبوها خفت تروح مني .. 
    اتصلت ع علي وگتله هسا اريد اشوفك .. #شمس

    علي .. لك شبيك خبلتني تعال وتعال شكو خيرك ..
    احمد.. علي انت اخويه وتعرفني من زمان وحالتي زينه .. لهذا اريد اطلب منك اختك رسل .. 
    من زمان معجب بيها واريدها ..
    علي .. بس اجوها ناس رسل وابويه مقتنع ..
    احمد .. يعني سألتوا البنيه مقتنعه ..
    علي .. وانت ليش واثق متوافق .. اكو شي بيناتكم .. 
    احمد . .. شكو يعني كولشي ماكو .. #شمس
    علي .. حسيت اكو شي تخبلت لزمته من قميصه .. احمد گولي معقوله تخوني وتخون ثقتي وعندك شي وي اختي احمد .. لك شبيك والله ماخاين ثقتك .. اني حبيتها وانعجبت بيها من يوم التخرج .. 
    وكم مره شفتها وياك وبزواجك وكانت بينا نضرات اعجاب .. وحسيتها تبادلني نفس المشاعر بس اثنينه نخاف نتجرأ نحجي لان انت اخويه واخوها ..
    ولهذا اجيت خطبتها منك لان ردت ادخل من الباب وتصير حلالي .. 
    انت روح واسأل البنيه واذا موافقت اني انسحب .. بس المهم علاقتنا وخوتنا ماتروح ..
    علي .. اذا هيج فماالگي احسن منك .. اني اشوف رسل واذا موافقه احجي وي الوالد انت احسن من الغريب اخويه واعرفك من زمان .. وحضنته #شمس
    رجعت للبيت گلت الرسل .. گالت الولد مايتعب وصديقك .. خلينا نشوف رسل ..
    صحنا رسل الغرفتنا وحجى وياهه علي وخجلت نصت راسهه ..
    گتله علي السكوت علامه الرضا .. 
    علي .. ههههه لعد اروح احجي وي الوالد ..
    طلع علي .. ورسل حضنتني .. يومه فدوه فروحتي وين الگي اخت مثلج ..
    فرح .. ههههه ليش مطلع صوتج هذا قبل شويه ..
    رسل .. ههههههه

    علي حجى وي عمي وعمي ماعارض ووافق تعذروا من الي خطبوهه .. 
    واجوا اهل احمد وحددو الخطوبه .. بس الزواج من تكمل سادس ..
    بيوم الخطوبه هوسه والاهل كولها ملتمه بنات عمهم وبنات عماتهم .. اني رحت وي رسوله للصالون ..
    طلعت تخبل لبست فستان مخصر ومنفوش من جوه ابيض وذهبي .. من خلصنا ردنا نتصل ع علي .. ذكرت جهازي نسيته ع الطاوله بالمطبخ من طلعنا .. 
    اتصلت ع علي من رسل وگتله تعال اخذنا وبطريقك شوف موبايلي نسيته بالمطبخ .. #شمس
    رجعنا للبيت واجو اهل العريس وعقدوا سيد ولبسوا الذهب طبعا احمد هم طلع مثل علي يحبون الوكاحه ..

    تال النسوان طردن احمد يم الزلم .. اني صعدت لبست نفنوف قصير فوگ الركبه ومفتوح الضهر .. 
    وحليت شعري ع طوله .. 
    نزلت كلها هيج اهل العريس واهلنا😲 ههههه

    دخلت للمطبخ شافني علي .. لج اشتعلوا اهلج هاي شلابسه .. شلون هسا اعوف العالم واصعدج للغرفه 
    ياربي شأسوي واجه يحضن ويبوس واني ادفع بي اگله عيب مايقبل .. 
    تالي دخلت رضاب ماتت من شافتنا .. هو استحى وطلع . .وهي تخزر بيه وتگلي شبعي حب وحنان مبقى شي وترجعين للزباله الي اجيتي منها ..
    مااهتميت عفتها ودخلت گعدت يم رسوله ..
    البارت التاسع عشر والاخير
    بعد ماانخطبت رسوله صار الهه واهس للدراسه .. وانشغلنا بالدراسه والامتحانات .. 
    وبيوم اجتني رساله من رقم مجهول . 
    فتحتها .. زوجج ميحبج ويحبني .. اذا عندج كرامه تركيه احنا نحب بعض وعدنا علاقه واذا متصدگين راح اراسله بالعشره وشوفي .. اذا يگلج .. #شمس

    اني تخبلت منو هاي ومعقوله صدگ .. زين منين جابت رقمي واني ماكو احد يعرف رقمي بس علي ورسل واهلي .. 
    مااهتميت گلت زعاطيط ودا ينصبون .. #شمس
    خلصت العشا ومواعين العشا وصعدت بدلت كالعاده وجهزت نفسي وگعدت ع الجربايه اگلب بالتلفزيون .. 

    اجه علي جايب جبس وحلويات .. وگعدنا ناكل ونتشاقه وسوالف علي المعروفه .. 
    تالي اجت رساله العلي .. اشو قرأها وانخطف لونه وگام طلع من الغرفه .. 
    اتباوعت للساعه عشره ..
    مثل مگالت البنيه .. معقوله علي يخوني .. 
    سكتت گلت مااصدگ ماشفت بعيني .. 
    بقت هذي الحاله تتكرر .. وضوجتني حيل وكرهت روحي حتى معاملتي تغيرت .. 
    بيوم اجتنا رضاب .. وگاعده يم البنات وكل وحده تلعب بموبايلهه .. علاوي بعده مااجه ..
    اجتني رساله .. زوجج وين شي اكيد مو يمج .. لان حاليا يمي وبحظني حسي واتركيه لو ماعندج كرامه .. #شمس
    صدگ انهضمت .. وصعدت الغرفتي ابجي لان الي تدز رساله تعرف كلشي عنه .. حتى اذا مموجود يمي تعرف 
    اذا صدگ كلامها .. 
    رجع علي .. مسحت دموعي .. گلي شبيج .. گتله مبيه شي مختنگه .. 
    علي .. تعالي الحظني هسا ترتاحين ..
    فرح .. علي الخاطر ربك لا تتقربلي .. 
    تعبانه واريد انام ..
    درت وجهي عنه ونمت شگد حاول يرضيني لو يعرف شبيه محجيت لان رضاب هنا ومگدرت افضح روحي ..

    علي .. اجيت متلهف ع فرح ومشتاقتلها اشو دفعتني وهملتني ونامت اول مره هيج تتصرف .. 
    تعجبت ع الي سوته بس خليتها ع راحتها .. لان گلت اكيد تعبانه من الدراسه والبيت..

    للصبح گعدت من الصبح جهزت ملابسه وكملت الريوگ .. گعد سبح وبدل واجه حظني من وره وگلي صباح الخير حبيبتي .. شمس
    فرح .. صباح النور بثگل .. 
    علي .. شبيج فروحه شصاير .. 
    فرح .. مو وكتها علي من تجي نتفاهم . 
    طلع للجامعه والبنات طلعوا للمدرسه كملت شغلي صعدت اقرأ .. لان الغدا ع رحاب ..
    للضهر نزلت لگيت رضاب رايحه .. وعمتي اتعجبت لان اليوم مانزله يمها .. احس جسمي كله يرجف وماتريگت .. گعدت بغرفه البنات اجت رسوله سولفتلها.. وابجي
    اجه علي..
    صعد للغرفه .. مالگاني .. 
    نزل لگاني نايمه بغرفه البنات صحاني .. گتله عوفني اريد انام ..
    حاول عطت بي گوتله تعوفني لو اطلع من البيت ..
    عافني وطلع ..
    ياربي شأسوي مااگدر اطلع واروح الاهلي ماعدنا بنيه تزعل لو تطلگ .. عدنا هناك ماتطلع من بيت زوجها الا للگبر.. #شمس
    نمت يم البنات جابوا الغدا ماتغديت .. 
    العصر گعدت .. اريد اسبح صعدت اخذ ملابس علي نايم ع بطنه ..
    علي .. نايم وسمعت الباب انفتحت حسيت بفروحه فتحت الكنتور اخذت ملابس .. اجيتها من. ورى ..جريتها للسرير صرت فوگاهه .. هي تضرب وتدفع بيه .. 
    فرح .. من صار فوگاي تخبلت ضربته وگمت اعيط تالي اسودت الدنيا بعيني واختنگت ماحسيت الا اغمى عليه 
    علي .. اغمى عليها واني تخبلت .. ضربتها ع خدها ماكو اتلمس گلبها ماكو نبض شلتها ونزلت واعيط يمه يمه فرح ماادري شبيها ..
    امي .. يمه فروحه لك شسويتلها ..
    رسل .. علي ماكفاك خنتها .. شسويتلها ..
    علي .. سمعت كلام رسل اتعجبت بس مااهتميت اخذتها وراحت وياي امي للمستشفى.. دخلت متخبل عليها خلولها مغذي وسوولها تحاليل ..
    صحت .. علي .. ها حبيبي فروحه هبطتيني شلون صرتي
    فرح .. بعدت وجهي عنه ..
    علي .. ريحيني فرح وگوليلي شبيك ..
    فرح .. اذا اگلك تجاوبني بصراحه ..
    علي .. وداعتج مااضم عليج ..
    فرح .. منو الي تخوني وياهه 
    علي .. وداعتج فرح ماخنتج .. بس ماردت احجي واضوجج هاي وحده صارلهه فتره مخبلتني برسائل الغزل ..ومااعرف منو اخذت الرقم ونطيته الواحد صديقي يشوفلي منو .. #شمس
    فرح .. خليني اشوف الرقم .. اتباوعت . اي هو نفسه الي تدزلي رسائل وتگلي زوجج يخوني .. 
    علي .. بسيطه اتصلت ع صديقي نطاني اسم الي مسجل الخط بأسمه هذا واحد من اقاربنا استغربت ..
    طلعت التحاليل .. فروحه حامل حضنتها واني فرحان رجعتها للبيت هي وامي .. 
    رحاب من سمعت حامل تخبلت وبقت تعيط .. مااهتميت وبقى بالي يم علي لليل كولش اجه هو وعمه رافد وابوه 
    واتعذر مني عمه وگلي طلعت بنتي مسويه هاي اللعبه حتى تفرقكم وطالبه خط من اقاربها وعرفت ضاربيها ومعترفه .. #شمس
    الحمد لله ضهرت الحقيقه وارتاحيت واتعذرت من علي لان شكيت بي بس الصوج بي هم لان مصارحني من البدايه .. وبدت امتحاناتي وامتحنت وكبرت بطني .. ونجحت اني ورسوله معدلي 98 ورسوله 88 ماتوقعوا تجيب هيج معدل 
    وتزوجت رسوله واني بطني شكبرها بالعرس 😂😂 وعلاوي مدللني وميخليني اشيل الورد ولدت ولد يخبل وسميته كرار .. ورحاب حملت وتغيرت علاقتي بيها صارت. زينه وصارت حياتنا احلى من قبل .. 
    علي .. فروحه حبيبتي زوجتي الريفيه مثل ميگولون عليها انسانه رقيقه وذكيه وتفهمني قبل مااحجي وام ابني كرار صارت دكتوره وافتخر بيها .. وعشنا حياتنا بسعاده رغم كنت مرايدها وانجبرت عليها .. (لكن عسا وان تكرهوا شيئا وهو خيرا لكم )
    النهايه🌹🌹🌹🌹مع تحيات

    إرسال تعليق

    ننقل تجاربنا إليكم