كلمات أغنية رسالة رقم 1000 لـ الجوكر ( أحمد ناصر )

كلمات أغنية رسالة رقم 1000 لـ الجوكر ( أحمد ناصر )
    صدرت منذ قليل أغنية "الجوكر" أحمد ناصر الجديده
    وأخذت الأغنية عنوان
    رسالة رقم 1000 
    وما أن صدرت الأغنية حتى أنهالت السوشيال ميديا
    بالكلمات 
    وبعد ساعة واحدة من صدورها
    تم استماعها أكثر 
    من 30 ألف مره 
    على الرغم من صدورها 
    في الساعة الواحدة صباحًا
    على كُل حال 
    جلبت لكم الكلمات لتقرأوها 
    الكلمات 
    أغنية الجوكر رسالة رقم 1000 - كلمات أغنية رسالة رقم 1000 - كلمات أغنية الجوكر الجديدة رسالة رقم 1000
    كلمات أغنية رسالة رقم 1000 لـ الجوكر ( أحمد ناصر ) 

    كلمات أغنية رسالة رقم 1000

    زي ما يكون الشقى من أجل الشقى مطبوع في چيننا
    كل ده ، ويادوب عارفين نوفر اكسچيننا
    معوزناهاش على طبق من فضة ... وعهد الله عافرنا
    العالم سلبي .. بوجودنا ، أو من غيرنا
    أما بعد ... مقدرش أديكي وعد
    بُكرايا فوق كف العفريت ، وكل يوم تهديد
    من خبرة رُبع قرن لقيت إني مش وش سعد
    انا زي ما تقولي سبرتو ، والزمن عيدان كبريت
    اتكاتروا عليا ، ومكانش شىء في إيديا
    لا عوزت تاج وعرش ، ولا مفيش ... عوزت أعيش
    مش كل من قبل مقام الدنيا صار درويش
    ميعادنا في الحياة اللي جاية ، لو الشمس حية
    من مسرح مصر الله يمسيك بـ الخير يا وليم
    لا صوت يعلو فوق صوت الإعلام الأُحادي
    حتى لو فتحت القفص .. الطير بقى إعتمادي
    بوصل خط النهاية لكن مبقفش للميدالية
    غضبان غضب مُبالغ فيه .. كان محال انا أميل
    آسف عـ الإزعاج ، والإحتياج ، وقلة المزاج
    كان سؤال انا مين؟ .. بيطاردني للنفس الأخير
    ياما شاورتلك عـ الشر واستنيت تطرحي
    آسف على إن الطريق معايا كان زجزاج
    وجهة نظر من مطرحي .. عشتي ايه عشان تنصحي!
    عزف العود الأبدي مش في صالح اللي انا عليه دلوقتي
    مش بتعلم بسرعة ، وبليد في ظبط الجرعة وعنيد ، وعندي مبيراعيش أمور وجب أن تُرعى
    لو كانت في حتة تانية كنت أقول ممكن نخف
    على قبر أرسطو نحتوا راس فنان مُسف
    الأرض واقفة حداد ، والكون مأجبرهاش تلف
    مسير الطين يجف ... أثينا بينا بتستخف أفضل أواجه الهلاك بشكل فردي
    عيونهم مراية بايظة .. كان قرباني ليها
    اهربي بلاش تعاندي .. هتقعي مش هتساندي
    الدنيا مالت عليا ، والزمن موقفش عندي
    كانت بقت اكسچين خلاص أما ابتدت تغمق
    ياريتني قولت لأ .. عمري ضاع على المدق
    عشت ست سنين .. أربعة وعشرين ساعة بتتعاد
    شفت موت ملوش ميعاد .. في فراغ ملوش أبعاد
    كله ضهره لـ حيط ؛ عشان محدش أهل ثقة
    إني أشوه وشي لأجل ما يطلع شكلي حلو فيها
    مفرحتش أما طلعلك صوت ؛ لإنك بنت موت

    الكاس في إيد اصحاب الكاس من قبل أول شوط
    خيوط الصح والغلط في بلدنا متلعبكة
    تخيل .. اللي انت فيه من أجل ناس مُدركة إن الخوف أمان ، ونزعة الواجب مُهلكة
    ولا عاد معاكي إبرة وفتلة .. كل دي مقصات
    كنتي فين وانا بصرخ إن نهجك استنزفك
    وإن آلاتك اللي عزفتي عليها أصبحت تعزفك
    فـ معادش تجزيء الحقيقة يستر العورات

    يمكنك الاستماع للأغنية أيضًا من خلالنا

    إرسال تعليق

    نُبحر مع الروايات السعوديه